Papularnyja tvarožnyja syrki Feelin chutka źniknuć z kramnych palic
Barysaŭskaja kampanija «Nardar» płanuje spynić vypusk tvarožnych syrkoŭ pad brendam Feelin. Pa słovach pradstaŭnikoŭ pradpryjemstva, syrki źniknuć z palic mahazinaŭ u pačatku nastupnaha hoda.
Ciapier kampanija vypuskaje 55 vidaŭ marožanaha i vosiem vidaŭ tvarožnych syrkoŭ. «Nardar» viadomy niezvyčajnymi praduktami: naprykład, pad brendam Feelin vypuskałasia biezałkaholnaje marožanaje sa smakam piva i fruktovy lod sa smakam salonych ahurkoŭ.
Jak raskazali pradstaŭniki kampanii ŭ sacyjalnych sietkach, niekalki hadoŭ tamu pradpryjemstva sutyknułasia ź pieršym surjoznym kryzisam. Vytvorcu prapanoŭvali časova spynić vypusk novych praduktaŭ, pakolki vialikaja kolkaść navinak, pavodle infarmacyi kampanii, uskładniała traplańnie pradukcyi ŭ asartymientnyja rejtynhi handlovych sietak i pašyreńnie kolkaści farmataŭ mahazinaŭ, dzie jana pradavałasia. Pry hetym pačalisia prablemy z pastaŭkami syraviny.
Na pradpryjemstvie pasprabavali raspracavać novy, udaskanaleny pradukt z vykarystańniem inšaj syraviny. Paśla praciahłaha pieryjadu ciažkaściaŭ kampanija sprabavała znoŭ zapuścić jaho vytvorčaść, ale heta nie dało čakanaha vyniku.
U vyniku dyrektar «Nardara» płanuje zakryć cech, dzie vypuskajucca tvarožnyja syrki. Pavodle kampanii, pradukcyja budzie pradavacca ŭ mahazinach jašče niekatory čas, ale ŭ pačatku nastupnaha hoda całkam źniknie z palic.
Dzie pracujuć i jak vyhladajuć žonki top-čynoŭnikaŭ?6
Kamientary