Daśledčyki vyvučajuć novy injekcyjny preparat CBL-514, jaki dziejničaje niepasredna na tłuščavyja kletki ŭ vobłaści žyvata. Pavodle papiarednich vynikaŭ kliničnych vyprabavańniaŭ, jon zdolny pamianšać jak padskurny, tak i viscaralny tłušč — toj, što znachodzicca hłyboka ŭ arhaniźmie vakoł unutranych orhanaŭ, piša New York Post.
U adroźnieńnie ad preparataŭ hrupy GLP-1, takich jak Ozempic, CBL-514 nie zapavolvaje stravavańnie i nie źnižaje apietyt. Jon błakuje važny miechanizm vyžyvańnia tłuščavych kletak, u vyniku čaho jany hinuć u miescy ŭviadzieńnia preparatu — u pryvatnaści, u vobłaści žyvata.
U vyprabavańniach druhoj fazy ŭdzielniki atrymlivali injekcyju CBL-514 raz na try tydni. Kolkaść injekcyj zaležała ad taŭščyni tłuščavaha słoju na žyvacie i pamianšałasia pa miery ŭździejańnia preparatu.
Praz čatyry tydni siaredniaja kolkaść viscaralnaha tłušču ŭ vobłaści žyvata źmienšyłasia na 12%. Praz vosiem tydniaŭ paśla pačatku lačeńnia jaho ŭzrovień pa-raniejšamu byŭ na 10,45% nižejšy za zychodny.
Aŭtary daśledavańnia miarkujuć, što paśla źniščeńnia tłuščavych kletak ich zdolnaść adnaŭlacca moža być abmiežavanaj. Adnak pakul praciahły efiekt paśla spynieńnia lačeńnia dakazany tolki ŭ ekśpierymientach na pacukach. Ci budzie taki ž vynik u ludziej, jašče vyvučajecca.
Daśledčyki taksama praviarajuć, ci možna spałučać CBL-514 z preparatami GLP-1, kab paśla ich admieny źnizić ryzyku paŭtornaha naboru vahi.
Pavodle pradstaŭlenych danych, najbolš častymi pabočnymi efiektami byli bol, aciok i pačyrvanieńnie ŭ miescy injekcyi. Jany zvyčajna mieli lohki abo ŭmierany charaktar i chutka prachodzili. Surjoznych niepažadanych reakcyj padčas daśledavańnia nie zafiksavali.
Ciapier CBL-514 pierachodzić da treciaj fazy kliničnych vyprabavańniaŭ. Heta zaklučny etap daśledavańniaŭ pierad mahčymym atrymańniem dazvołu FDA na vykarystańnie preparatu.
Dźvie biełaruski sprabavali kantrabandaj zavieźci ŭ krainu šprycy z «Azempikam»
Navukoviec: Ludzi mohuć žyć nie daŭžej za 120‑150 hadoŭ. A azempik patencyjna karysny suprać stareńnia
U biełaruskich aptekach źjaviŭsia rasijski anałah «Azempiku»
«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ
«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara9
Kamientary
Priezidientka uchvalajet