Pra heta napisała ŭ fejsbuku jaho žonka Viktoryja.
«Apošnija tydni jon padazravaŭ za saboj sačeńnie i mierkavaŭ, što jaho šukajuć śpiecsłužby. U niadzielu, 27 vieraśnia, jon płanavaŭ pierabracca ŭ bolš biaśpiečnaje miesca i papiaredziŭ, što niejki čas budzie biez suviazi. Adnak, uličvajučy, što «režym cišyni» ź jaho boku zaciahvajecca, ja vymušanaja padniać tryvohu», — napisała jana.
U vypadku, kali jon zatrymany, Viktoryja Palčys patrabuje, kab pravaachoŭniki terminova apaviaścili pra heta jaho advakata.
Jak viadoma «Našaj Nivie», Eduard Palčys nie pražyvaŭ u siabie doma ŭ Lidzie z momantu, jak 15 červienia atrymaŭ prysud 15 sutak za nibyta ŭdzieł u akcyi Cichanoŭskaha na Kamaroŭcy.
Dzie jon znachodziŭsia ŭvieś hety čas, nieviadoma, ale heta dakładna była Biełaruś.
Jak viadoma nam ad blizkich, na vychodnych Eduard płanavaŭ pakinuć krainu, ale nie pryjšoŭ u damoŭleny čas da kiroŭcy, jaki mieŭsia dastavić jaho da hranicy.
Źniknieńnie adbyłosia ŭ Minsku.
Apošni vizit Palčysa ŭ sacyjalnyja sietki paznačany abiedam niadzieli, 27 vieraśnia.
-
Voś chto toj chłopiec, jaki pajechaŭ na prapołku bulby i staŭ hierojem sacsietak
-
Pamiatajecie charyzmatyčnaha i žartaŭlivaha kiraŭnika Mikałajeŭskaj vobłaści? Jon moža stać ministram u novym uradzie Ukrainy
-
Bank u Polščy zabłakavaŭ rachunki — a tam ipateka, i źbieražeńni. Ajcišnik-biełarus baicca stracić kvateru
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary