Z 21 vieraśnia pamiž Minskam i Maładziečnam pačnuć kursiravać dadatkovyja paskoranyja elektryčki. Heta buduć zvyčajnyja rehijanalnyja ciahniki ekanom-kłasa, a nie vahony biznes-kłasa, piša Blizko.by.
Novy ciahnik №7041 budzie chadzić u asobnyja dni da 18 kastryčnika. Ź Minska jon budzie adpraŭlacca ŭ 9:58 i prybyvać u Maładziečna ŭ 11:14. U darozie jon budzie znachodzicca 1 hadzinu 16 chvilin. Paśla stancyi Ždanovičy i da Fiestyvalnaha ciahnik nie budzie mieć nivodnaha pramiežkavaha prypynku.
Nazad ciahnik №7042 budzie adpraŭlacca z Maładziečna ŭ 13:52 i prybyvać u Minsk u 15:04. Čas u darozie składzie 1 hadzinu 12 chvilin.
Košt prajezdu zastaniecca takim ža, jak u zvyčajnaj elektryčcy, — 4 rubli 26 kapiejek.
Uvohule paskoranyja elektryčki pamiž Minskam i Maładziečnam užo kursirujuć. Naprykład, ciahniki pa maršrucie Minsk — Hudahaj paśla Ždanovičaŭ prapuskajuć amal usie prypynki da Fiestyvalnaha. Daroha ad Minska da Maładziečna zajmaje ŭ ich kala 1 hadziny 19 chvilin.
Zvyčajnyja elektryčki, jakija spyniajucca na ŭsich stancyjach, jeduć pamiž Minskam i Maładziečnam prykładna 1 hadzinu 47—51 chvilinu.
Novyja ciahniki źviazanyja i z budučymi źmienami ŭ kłasifikacyi pryharadnych pieravozak. Zakonaprajekt ab čyhunačnym transparcie praduhledžvaje źjaŭleńnie asobnaha vidu rehijanalnych linij ekanomkłasa — paskoranych. Ciapier zvyčajnyja elektryčki i dyziel-ciahniki ŭ hetuju katehoryju ŭvachodziać biez padziełu na padtypy.
Miarkujecca, što hałoŭnaje adroźnieńnie paskoranych ciahnikoŭ budzie ŭ mienšaj kolkaści prypynkaŭ. Ci budzie ŭ budučyni prajezd u ich daražejšy za zvyčajnyja elektryčki, pakul dakładna nie viadoma.
Paskoranyja elektryčki pamiž Minskam i Maładziečnam byli zvyčajnaj źjavaj i ŭ savieckija časy, i ŭ 1990‑ia hady. Niekatoryja ź ich naohuł nie spynialisia pamiž dźviuma kancavymi stancyjami. Heta, siarod inšaha, vykarystoŭvali studenty, jakija jechali bieź bileta: pieršym miescam, dzie kantralory mahli vysadzić bieźbiletnika, była adna z kancavych stancyj — Minsk abo Maładziečna.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary