Zasnavalnika vinnaj kampanii asudzili ŭ Minsku za danaty ŭ padtrymku Ukrainy
Minski haradski sud vynies prysud 57‑hadovamu pradprymalniku Kanstancinu Charytonienku. Jaho abvinavacili ŭ finansavańni ŭdziełu ŭ vajennych dziejańniach i adpravili ŭ kałoniju.
Kanstancin Charytonienka naradziŭsia ŭ 1968 hodzie ŭ Minsku. U 1990‑m jon skončyŭ fakultet aŭtamatyzavanych sistem kiravańnia Minskaha vyšejšaha inžyniernaha zienitnaha rakietnaha vučylišča (MVIZRU SPA, ciapier — Vajskovaja akademija).
Z 1990 pa 1993 jon słužyŭ u voinskaj čaści 06534 u 219‑ym zienitna-rakietnym pałku vojskaŭ supraćpavietranaj abarony, jaki raźmiaščaŭsia ŭ pasiołku Pieršamajskaje (Pieršamajskaje-1) na Karelskim pierašyjku, u Vybarhskim rajonie Leninhradskaj vobłaści.
Paśla mužčyna pierajšoŭ u cyvilny siektar. Paśla najomnaj pracy Kanstancin amal dziesiać hadoŭ, z 2005 pa 2014 hod, uznačalvaŭ minskuju kampaniju «DniaproStal».
Z maja 2018 hoda Charytonienka staŭ suzasnavalnikam i kiraŭnikom polskaj kampanii Geowine sp. z o.o., jakaja bazirujecca ŭ Varšavie i zajmajecca impartam hruzinskich vinaŭ u Polšču.
Jaho aryštavali ŭ minułym hodzie. Kanstancina sudzili ŭ Minskim haradskim sudzie pavodle častki 2 artykuła 361‑3 Kryminalnaha kodeksa («finansavańnie abo inšaje materyjalnaje zabieśpiačeńnie ŭdziełu hramadzian u vajennych dziejańniach na terytoryi zamiežnaj dziaržavy»). Jamu pahražała ad 5 da 10 hadoŭ źniavoleńnia.
Zvyčajna pa hetym artykule biełaruskija siłaviki pieraśledujuć za achviaravańni biełaruskim dobraachvotnikam va Ukrainie ci na patreby ZSU ci šarahovych ukraincaŭ.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆ73‑hadovaha afhanca asudzili pa dźviuch palityčnych kryminałkach
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj42
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary