U Vilni rychtujucca da mahčymaha vyzvaleńnia novaj hrupy biełaruskich palitviaźniaŭ
V.a. pradstaŭnicy Abjadnanaha pierachodnaha kabinieta pa sacyjalnaj palitycy Julija Mickievič raspaviała, što ŭ Vilni ŭžo hatovyja pryniać vyzvalenych.
«Pakul my nie viedajem, kolki heta budzie ludziej, kolki ź ich zastaniecca ŭ Biełarusi, kolki budzie pryvieziena ŭ Litvu i ci budzie heta, jak u papiarednija razy, prymusovy vyvaz biez dakumientaŭ. Chto mienavita budzie vyzvaleny, my, chutčej za ŭsio, taksama nie budziem viedać da apošniaha», — adznačyła Julija Mickievič.
Kaalicyja pravaabarončych arhanizacyj i demakratyčnyja siły, u tym liku Pradstaŭnictva pa sacyjalnaj palitycy, padrychtavali śpisy palitviaźniaŭ. Asobna ŭ ich jość humanitarny śpis — palitviaźni, jakija znachodziacca ŭ najbolš uraźlivym stanoviščy. Heta ludzi stałaha ŭzrostu, ludzi z zachvorvańniami i tyja, chto znachodzicca ŭ ciažkim fizičnym stanie i ŭ pieršuju čarhu patrabuje nieadkładnaj miedycynskaj dapamohi.
U Vilni da pryjomu vyzvalenych rychtujucca Pradstaŭnictva pa sacyjalnaj palitycy i pravaabarončyja arhanizacyi, jakija dapamahajuć palitviaźniam: «Kraina dla žyćcia», «Volnyja», Dissidentby, «Viasna», «Bajsoł» i inšyja.
Julija Mickievič budzie znachodzicca ŭ šełtary «Krainy dla žyćcia», dzie ŭžo ŭsio hatova da pryjomu vyzvalenych. Tam buduć pracavać vałanciory i vałanciorki, jakija pry nieabchodnaści zmohuć akazać pieršuju miedycynskuju dapamohu.
Dla kožnaha vyzvalenaha padrychtavany nabor nieabchodnych na pieršy čas rečaŭ: adzieńnie, srodki asabistaj hihijeny, mabilny telefon. Jość i nieabchodnyja leki, jakija mohuć spatrebicca čałavieku adrazu paśla vyzvaleńnia.
«Z našaha boku my całkam padrychtavanyja. Usie pracesy naładžanyja, jość apieratyŭnaja kamunikacyja ź litoŭskim i amierykanskim bakami, a taksama pamiž Pradstaŭnictvam i pravaabarončymi arhanizacyjami, jakija zajmajucca dapamohaj i padtrymkaj», — raspaviała Julija Mickievič.
Prahramy reabilitacyi taksama ŭžo padrychtavanyja. A le toje, jakaja mienavita dapamoha spatrebicca čałavieku, buduć vyrašać razam ź im paśla vyzvaleńnia. Kamuści treba budzie znajści asobnuju kvateru, chtości zmoža zastacca ŭ šełtary, a chtości zachoča pajechać da siabroŭ, svajakoŭ ci znajomych u Vilni.
«Hetaja praca ŭžo dobra naładžanaja. My budziem sačyć za tym, jak raźvivajecca situacyja, apieratyŭna davać infarmacyju i dziejničać zychodziačy z patrebaŭ vyzvalenych. Vialiki dziakuj usioj kamandzie, jakaja pracuje razam»,— padkreśliła pradstaŭnica APK.
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika7
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary