U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Alaksandr Łukašenka sustreŭsia z delehacyjaj ZŠA na čale z Džonam Koŭłam.
15 vieraśnia adbyłasia sustreča Alaksandra Łukašenki sa śpiecpasłańnikam Donalda Trampa Džonam Koŭłam.
«Šanoŭny Džonie, daloka žyviom, tamu redka bačymsia. Ale ja vitaju vas u Biełarusi. Pra toje, što vy pryjedziecie da nas, my ničoha nie chavali. Dy i vy asabliva ničoha nie chavali, nam pra heta viadoma. Našy ludzi viedali, što vy pryjedziecie. Ja pavinien vam skazać: hramadstva ź vialikaj cikavaściu ŭsprymaje vašy vizity. Nu a susiedzi i inšyja lidary dziaržaŭ uvažliva sočać za našaj sustrečaj», — cytuje Alaksandra Łukašenku ahienctva BiełTA.
U svaju čarhu Džon Koŭł pieradaŭ vitańnie ad Donalda Trampa. «Jon usialak padtrymlivaje ŭsio toje, što my robim», — skazaŭ jon.
U pieramovach ź biełaruskaha boku taksama ŭdzielničajuć premjer-ministr Alaksandr Turčyn, staršynia KDB Ivan Cierciel i pastajanny pradstaŭnik Biełarusi pry AAN Valancin Rybakoŭ.
Turčyn zaprošany na sustreču ŭpieršyniu. Heta znak, što havorka budzie iści na ekanamičnyja temy ŭ tym liku.
«Jak vy bačycie, naša kampanija krychu pašyryłasia. Ja paprasiŭ pryjechać premjer-ministra, kab jon padrabiazna moh dakłaści pra vyniki našych papiarednich kantaktaŭ na praktycy, jak realizujucca papiarednija damoŭlenaści», — skazaŭ Alaksandr Łukašenka.
Na fota, apublikavanym u telehram-kanale ŭrada Biełarusi, na zadnim płanie Ivan Cierciel havoryć z Krystafieram Panika — amierykanskim dypłamatam, jaki źmianiŭ na biełaruskim kirunku Krystafiera Śmita.
Panika vydatna viedaje biełaruskuju tematyku, bo dvojčy pracavaŭ u Minsku. U 2000 hodzie jaho navat vypadkova zatrymali na vulicy stalicy i pratrymali niekalki hadzin razam z zatrymanymi na Dzień Voli demanstrantami.
Panika maje reputacyju vydatnaha ekśpierta pa Biełarusi i rehijonie. Pra jaho bekhraŭnd kaža i toje, što raniej jon pracavaŭ namieśnikam dyrektara Upraŭleńnia raźviedvalnych apieracyj i nahladu Biuro raźviedki i daśledavańniaŭ Dziarždepartamienta.
Ciapier čytajuć
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?5
Kamientary
Koho najti? Komu otdaťsia?
Ja na raspuťji i nie znaju
Čto ja najdu, čto potieriaju.