Tolki pahladzicie, jakuju raskošnuju kalekcyju hadzińnikaŭ Salidarnasć vypuściŭ biełaruski vytvorca
Kampanija HVILINA anansavała novuju kalekcyju z havarkoj nazvaj Salidarnasć. Kalekcyja ŭklučaje čatyry madeli hadzińnika ŭ biełym, šerym, čornym i niudavym kolerach.
U asnovu kancepcyi loh sučasny bijaničny dyzajn u vyhladzie pčalinych sotaŭ, jaki simvalizuje zhurtavanaść, adzinstva i ŭzajemadapamohu.
Soty na cyfierbłacie adroźnivajucca adzin ad adnaho jak źniešnim vyhladam, tak i technałohijaj naniasieńnia — razam składajuć cełasnuju karcinu i arhanična dapaŭniajuć adzin adnaho. Nazva kalekcyi, raźmieščanaja ŭ nižniaj častcy cyfierbłata, napisana na biełaruskaj łacincy. Hadzińnik — uniseks, vykanany ŭ styli minimalizm.
Prostaja, łakaničnaja i aktualnaja forma korpusa, dapoŭnienaja silikonavym chutkazdymnym ramieńčykam robić hadzińnik univiersalnymi praktyčna dla luboha harderoba, niezaležna ad uzrostu abo połu. Na zadnim viečku hraviroŭka ŭ vyhladzie stylizavanych sot. Hraviroŭka na zavadnoj hałoŭcy paŭtaraje adzin z hrafičnych elemientaŭ na cyfierbłacie.
Korpus hadzińnika vykanany ź nieržaviejučaj stali. Miechanizm šviejcarski kvarcavy Ronda 762 z resursam žyćcia batarejki da 3 hadoŭ, škło — zahartavanaje, minieralnaje.
Kalekcyja ŭžo dastupnaja pa pieradzamovie pa canie 189 BYN sa źnižkaj 25%, paśla pastupleńnia hadzińnikaŭ u prodaž cana na ich składzie 252 BYN. Płanujecca, što ŭ prodaž hadzińniki pastupiać napiaredadni navahodnich śviataŭ. Hetaja kalekcyja stanie adnoj z samych dastupnych siarod usich liniejek brenda.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju8
Kamientary