«Prymać kančatkovaje rašeńnie budzie prezident». Vasilevič raspaviała ab zakonaprajekcie, jaki dazvolić pazbaŭlać hramadzianstva
U zakon ab hramadzianstvie rychtujucca źmieny: siarod inšaha płanujecca norma ab pazbaŭleńni hramadzianstva za terarystyčnuju, ekstremisckuju dziejnaść, a taksama pryčynieńnie ciažkaj škody intaresam Biełarusi. Pra toje, kaho moža zakranuć novaja norma, a taksama ab terminach razhladu zakonaprajekta Tut.by raspaviała deputat Pałaty pradstaŭnikoŭ Maryja Vasilevič.
Pavodle Maryi Vasilevič, zakonaprajekt budzie razhladacca ŭžo ŭ druhim čytańni. Norma, jakaja praduhledžvaje stratu biełaruskaha hramadzianstva ludźmi, jakija ŭdzielničali ŭ terarystyčnaj ci inšaj ekstremisckaj dziejnaści z pryčynieńniem ciažkaj škody intaresam krainy, budzie raspaŭsiudžvacca nie na ŭsich.
— Norma praduhledžvaje mahčymaść pazbaŭleńnia hramadzianstva naturalizavanych hramadzian, heta značyć tych, chto pryjechaŭ u našu krainu i nabyŭ biełaruskaje hramadzianstva. Jana nie zakranie tych ludziej, jakija źjaŭlajucca hramadzianami Respubliki Biełaruś pa naradžeńni. Kali spasyłacca na dośvied zamiežnych krain, dadzienaja norma isnuje ŭ ZŠA, Aŭstryi i niekatorych inšych krainach. I MUS pryniało rašeńnie, što metazhodna ŭkaranić jaje na terytoryi Respubliki Biełaruś, — raspaviała Maryja Vasilevič.
Pavodle słoŭ deputata, dla kožnaha padobnaha vypadku budzie isnavać peŭnaja pracedura, heta značyć, hramadzianstva nie buduć pazbaŭlać aŭtamatyčna.
— Kožny taki vypadak budzie razhladacca orhanami MUS, u pryvatnaści Departamientam pa hramadzianstvie i mihracyi, a prymać kančatkovaje rašeńnie budzie prezident.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary