Dvuch amierykancaŭ pierabłytali ŭ radzilni — jany daviedalisia pra heta vypadkova praz 36 hadoŭ
Kajł Bajlin znajšoŭ svaju bijałahičnuju siamju paśla taho, jak zrabiŭ test DNK, jaki vypadkova vyciahnuŭ padčas kaladnaha abmienu padarunkami.
Kajł Bajlin i Džeremi Morysan pakinuli balnicu ŭ ZŠA z čužymi baćkami ŭ 1988 hodzie. Spatrebiłasia 36 hadoŭ, kab vyjavić hetuju pamyłku, apisvaje Sky News.
Siemji dvuch mužčyn, jakich pierabłytali ŭ radzilni ŭ Paŭnočnaj Dakocie 38 hadoŭ tamu, abvinavacili amierykanskuju balnicu ŭ tym, što jana pazbaviła ich taho žyćcia, jakim jany pavinny byli žyć.
Kajł Bajlin znajšoŭ svaju bijałahičnuju siamju paśla taho, jak zrabiŭ test DNK, jaki vypadkova vyciahnuŭ padčas kaladnaha abmienu padarunkami.
Vyniki pryviali jaho da bijałahičnaj ciotki na hienieałahičnaj płatformie. Zatym jaje plamieńnik, Džeremi Morysan, taksama zdaŭ test DNK.
Zhodna z pazovam, padadzienym u sud štata na minułym tydni, Kajł Bajlin i Džeremi Morysan byli adzinymi niemaŭlatami, jakija naradzilisia 26 studzienia 1988 hoda ŭ miedycynskim centry Unity u horadzie Hraftan, Paŭnočnaja Dakota. Adnak jany pakinuli balnicu z čužymi baćkami.
Balnica nie admaŭlaje, što dziaciej pierabłytali, ale zajaŭlaje, što nie znajšła nijakich dokazaŭ taho, što mienavita jaje piersanał byŭ adkazny za hetuju pamyłku, jakaja źmianiła žyćcio.
«My razumiejem, jaki hłyboki ŭpłyŭ hetaje adkryćcio akazała na ich i ich siemji», — havorycca ŭ zajavie Unity Medical. — «Na žal, z-za taho, što prajšło amal čatyry dziesiacihodździ, miedycynskija dakumienty i śpisy piersanału, jakija mahli b unieści dadatkovuju jasnaść, bolš nie isnujuć, i nichto z tahačasnaj bryhady pryjomu rodaŭ bolš nie pracuje ŭ balnicy».
Prajšło ŭžo dva hady z taho času, jak test DNK vyjaviŭ padmienu.
«Kajł pa-raniejšamu moj syn — heta nikoli nie źmienicca, — skazała Evielin Ńjutan. — Ale ja adčuvaju siabie abrabavanaj: u mianie adabrali žyćcio, jakoje ja pavinna była pravieści sa svaim bijałahičnym synam. Nielha viarnucca i zamianić 35 hadoŭ. Pieršyja kroki, kiravańnie mašynaj, viasielle — jak heta kampiensavać?»
Novaje viedańnie Morysana pra svajo naradžeńnie nie źmianiła jaho pačućciaŭ da siamji, jakaja jaho vychavała.
«Mianie lubili, — skazaŭ jon. — Ja zajmaŭsia sportam, dobra vučyŭsia ŭ škole. Test DNK nie zabiare 38 hadoŭ uspaminaŭ».
Adnak Morysan, jaki žyvie ŭ Kałarada i pracuje inśpiektaram pa zvarcy ŭ kampanii pa vietraenierhietycy, ličyć, što kali b nie padmiena, jon pracavaŭ by sa svaim bijałahičnym baćkam i bratam na ich ziernievaj fiermie.
Evielin Ńjutan nikoli nie mieła pryčyn dumać, što Bajlin nie byŭ jaje bijałahičnym synam. Nasuprać, Bajlin abraŭ akademičnuju karjeru daloka ad Paŭnočnaj Dakoty i adčuvaŭ siabie «inšym» u siamji, jakaja jaho vyhadavała.
«Na praciahu žyćcia, biezumoŭna, byvali momanty, kali ja adčuvaŭ siabie paršyvaj aviečkaj u siamji abo niby šukaŭ miesca, jakomu naležu, — skazaŭ jon. — I tolki praz hady vyśvietliłasia, što roźnica sapraŭdy była… što jość pryčyna, čamu ja nie na ŭsie 100% i nie zaŭsiody ŭpisvaŭsia».
Ciapier mužčyny ŭžo sustrelisia sa svaimi bijałahičnymi baćkami, ale jašče nie bačylisia adzin z adnym, choć užo razmaŭlali pa telefonie.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary