«Spynicie masavyja represii». Aleksijevič, Arłoŭ, Volski, Dalidovič, Marcinovič, Niaklajeŭ i inšyja piśmieńniki padpisali adkryty list
140 biełaruskich piśmieńnikaŭ vystupili z adkrytym listom, jaki apublikavany na sajcie Sajuza biełaruskich piśmieńnikaŭ.
— My, biełaruskija litaratary, vykazvajem surjoznuju zaniepakojenaść tym, što ciaham apošnich 100 dzion u našaj krainie nazirajecca pastajannaja eskałacyja hvałtoŭnych dziejańniaŭ z boku siłavych struktur i administracyjnych pryznačencaŭ da hramadzian, jakija vychodziać na mirnyja akcyi pratestu i salidarnaści.
Takich maštabaŭ masavych represij nie źviedvała bolš za sorak hadoŭ ni adna ź dziaržavaŭ Jeŭropy. (…). Na vinavatych u zabojstvach i skalečvańniach ludziej nie zavodziacca kryminalnyja spravy. Dapuskajecca źbićcio źviazanych zatrymanych, što zabaraniajecca suśvietnaj jurydyčnaj praktykaj navat u adnosinach da vajennapałonnych. Z vusnaŭ kiraŭnictva krainy hučać naŭprostavyja ŭkazańni adličvać studentaŭ z navučalnych ustanoŭ i zvalniać z pracy ŭsich supracoŭnikaŭ, jakija nie zhodnyja ź dziaržaŭnaj palitykaj, što źjaŭlajecca niepasrednym parušeńniem dziejnaj Kanstytucyi Respubliki Biełaruś.
List padpisali bolš za 140 piśmieńnikaŭ. Siarod ich Śviatłana Aleksijevič, Uładzimir Arłoŭ, Volha Babkova, Lavon Barščeŭski, Taćciana Barysik, Lavon Volski, Hienrych Dalidovič, Andrej Žvaleŭski, Maksim Klimkovič, Aleś Kraŭcevič, Viktar Marcinovič, Uładzimir Niaklajeŭ, Piotra Sadoŭski, Hanna Sieviaryniec, Aksana Sprynčan, Andrej Chadanovič, Alaksandr Fiaduta, Kastuś Ćvirka, Saša Filipienka dy inš.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary