Hetak Vaskrasienski adreahavaŭ na słovy Łukašenki, ahučanyja padčas naviedvańnia BDU.
1 lutaha ad kamandy Kruhłaha stała demakratyčnych sił, jaki ŭznačalvaje Juryj Vaskrasienski, stała viadoma, što jany źviarnulisia da kiraŭnika Śledčaha kamiteta Ivana Naskieviča z prośbaj źmianić mieru strymańnia studentam biełaruskich VNU, jakija ciapier znachodziacca ŭ SIZA.
«Budziem udziačnyja vam za padtrymku hetaj humanitarnaj inicyjatyvy, jakaja ŭ hod narodnaha adzinstva pakaža spraviadlivaść i miłasernaść biełaruskaha pravasudździa», — havorycca ŭ zajavie.
Heta reakcyja na słovy Łukašenki, jakija jon ahučyŭ 29 studzienia, naviedvajučy BDU: «Ja maju prava pamiłavać taho ci inšaha čałavieka. I kali jon pamyliŭsia, to my jaho nie tolki vyzvalim ad kryminalnaj adkaznaści, ale i adnovim u VNU. Treba spakojna da hetaha padyści i piersanalna», — skazaŭ Alaksandr Łukašenka.
U «śpis Vaskrasienskaha» trapili čatyrnaccać asob: Kasia Budźko, Nastaśsia Bułybienka, Arciom Vinakuraŭ, Viktoryja Hrankoŭskaja, Taćciana Jakielčyk, Maryja Kalenik, Jaŭhien Kalinoŭski, Jahor Kaniecki, Uładzisłaŭ Marcinovič, Jana Arabiejka, Ksienija Syramałot, Illa Trachtenbierh, Hleb Ficner, Illa Mihno.
Varta adznačyć, što ŭ śpisie adsutničaje Ałana Hiebramaryjam, jakaja choć i źjaŭlajecca aktyvistkaj studenckaha ruchu, ale farmalna studentkaj užo nie źjaŭlajecca.
Sam Vaskrasienski ŭstrymaŭsia ad kamientaroŭ.
Kamientary