Amierykanski repier Lil Nas X vypuściŭ krasoŭki Nike z kroplami čałaviečaj kryvi
Kampanija MSCHF, viadomaja svaimi niezvyčajnymi praduktami, sumiesna z repieram Lil Nas X pradaść 666 par «sataninskich» krasovak.
Stvaralniki śćviardžajuć, što ŭ vytvorčaści krasovak jany vykarystoŭvali čałaviečuju kroŭ, jakuju zdali šaściora supracoŭnikaŭ kampanii MSCHF, paviedamlaje The New York Times.
Satan Shoes stvoranyja pa anałohii z krasoŭkami Nike Air Max 97. Adnak kampanija Nike zajaviła, što nie maje nijakaha dačynieńnia da hetaha abutku, jak i da kampanii MSCHF i repiera Lil Nas X. Taksama pradstaŭniki kampanii adznačajuć, što nie adabrajuć stvareńnie hetych krasovak.
Padešvu kožnaj pary krasovak stvaralniki zapoŭnili kroplami čałaviečaj kryvi, źmiašanaj z čarniłam. Da šnurkoŭ prymacavanaja bronzavaja padvieska ŭ vyhladzie pientahramy. Da taho ž, na krasoŭkach napisana «LUKE 10:18», što źjaŭlajecca adsyłkaj da Jevanhiella ad Łuki.
Usiaho isnuje 666 par takoha abutku koštam $1018 za paru. U prodažy krasoŭki źjavilisia ŭžo siońnia.
MSCHF vypuściła Satan Shoes jak praciah linii Jesus Shoes, dzie stvaralniki vykarystoŭvali śvianconuju vadu.
Amierykanski repier Lil Nas X staŭ šyroka viadomy ŭ 2019 hodzie paśla vychadu jaho pieśni «Old Town Road». Trek staŭ virusnym u ciktoku, a vykanaŭca atrymaŭ za jaho dźvie premii «Hremi».
Kamientary