Biez tłumačeńnia pryčyn: startap-chab «Imahuru» pazbaŭlajuć pamiaškańnia
Chołdynh «Haryzont» skasoŭvaje damovu arendy ŭ adnabakovym paradku.
Takim čynam zakryvajecca placoŭka dla inavacyjnych pradprymalnikaŭ, miesca naradžeńnia vielizarnaj kolkaści startapaŭ, hałoŭny startap-chab Biełarusi.
16 krasavika 2021 hoda Imaguru Startup HUB atrymaŭ apaviaščeńnie ad chołdynhu «Haryzont», u jakoha aranduje pamiaškańnie z 2013 hoda, ab adnabakovym spynieńni damovy arendy pamiaškańniaŭ na Fabrycyusa, 4 z 30 krasavika 2021 hoda. Haryzont u svaim aficyjnym paviedamleńni nahadaŭ, što ŭ ich jość biezumoŭnaje prava adnabakovaj admovy ad arendnych adnosin, ale nastojliva parekamiendavaŭ rasstacca pa ŭzajemnym žadańni.
Pryčyny adnabakovaha spynieńnia dahavora nie nazyvajucca, Haryzontu «pamiaškańnie terminova spatrebiłasia dla ŭłasnych patreb».
«Nam dadzieny termin vyzvalić pamiaškańnie da 30 krasavika. U telefonnaj razmovie v. a. dyrektara chołdynhu paviedamiła, što jana vykonvaje daručeńnie. Vidavočna, što heta zahad. Bolš taho, heta palityčny zakaz — na źniščeńnie biznesu, na represii suprać mianie asabista, suprać majoj kamandy, suprać tych, chto advažvajecca vykazvać svajo mierkavańnie», — prakamientavała stvaralnica chaba Taćciana Marynič.
Kamientary