Alimientščyk i rabočy z administratyŭkaj za pjanstva. Stała viadoma jašče pra dvuch biełarusaŭ, jakija vajujuć za «ruski śviet»
Vydańnie «Fłahštok» praciahvaje vyvučać śpis hramadzian Biełarusi, prapisanych u Homielskaj vobłaści, jakija, pavodle źviestak ukrainskaha prajekta «Chaču žyć», pastupili na słužbu ŭ rasijskuju armiju.
Siarod 112-ci ŭradžencaŭ Homielskaj vobłaści z hetaha śpisu — Vasil Furmanaŭ, jaki rodam ź vioski Rahiń Buda-Kašaloŭskaha rajona. Prapisany jon byŭ u Homieli, a asnoŭnaja častka jahonaj karjery — rabočy na niekalkich pradpryjemstvach. Apošnija miescy pracy ŭ Biełarusi — pryvatnaje pradpryjemstva «Intertejps», jakoje vyrablaje klejkuju stužku, i «Homielkaapdruhresursy», jakoje zajmajecca pryjomam i skupkaj druhasnaj syraviny.
Z 2015 hoda aficyjnych miescaŭ pracy Furmanava ŭ Biełarusi niama. Vyhladaje, što z tych časoŭ jon pieryjadyčna źjazdžaŭ u Rasiju, dzie chavaŭsia, kab nie vypłačvać alimienty. Na staroncy Furmanava ŭ sacsietcy jość kamientary, u jakich havorycca pra toje, što jon «zabyŭsia» pra svajo dzicia i nie płacić na jaho ŭtrymańnie.
Ale ŭ Biełarusi jon usio ž źjaŭlaŭsia — za plačyma rasijskaha najmita jość administracyjnyja i adna kryminalnaja sprava. Usio heta — za kradziažy.
U 2015 hodzie Vasil Furmanaŭ skraŭ u kramie butelku harełki, u 2017-m — dva kavałki kaŭbasy. Jašče adna administratyŭka jość za raśpićcio harełki prosta ŭ kramie. A ŭ 2016 hodzie Furmanaŭ zrabiŭ sprobu kradziažu kabiela ź piłaramy AAT «Rahiń». Raniej, u 2014 hodzie, padčas pracy na «Intertejps» hamialčuk sprabavaŭ vykraści 14 rułonaŭ strejč-plonki — za heta była raspačataja kryminalnaja sprava.
Pavodle infarmacyi ŭkrainskaha «Miratvorca», Furmanaŭ pastupiŭ u PVK «Vahnier». Jak minimum u mai 2023 hoda jon jašče vajavaŭ — pad Bachmutam. Što ź im ciapier — nieviadoma. U sacsietcy mužčyna nie źjaŭlaŭsia ŭžo niekalki hadoŭ.
Prykład jašče adnaho najmita — Ihar Barnavicki sa Žłobina, jaki taksama, jak miarkujecca, žyŭ u Rasii. U 2024 hodzie jaho šukali jak źnikłaha bieź viestak na terytoryi RF. Paviedamlałasia, što ź lutaha 2024 hoda jahonaje miescaznachodžańnie nieviadomaje, ale na svaju staronku ŭ sacsietcy jon niadaŭna zachodziŭ.
U Biełarusi Barnavicki aficyjna nie pracavaŭ z 2020 hoda. Apošnija pasady — rabočy, kiroŭca, ekśpiedytar. U śpisie administracyjnych spraŭ na jaho — šmatlikija parušeńni PDR, a taksama źjaŭleńnie ŭ hramadskim miescy ŭ pjanym vyhladzie.
Charakterna, što Barnavicki jašče ŭ siaredzinie 2010-ch hadoŭ trapiŭ pad upłyŭ rasiejskaj prapahandy. Na svajoj staroncy sacsietki «Ukantakcie» jon repościŭ antyŭkrainskija publikacyi kramloŭskich ŚMI.
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Na froncie va Ukrainie źnik bieź viestak jašče adzin biełarus, jaki pavajavaŭ na baku Rasii miesiac
Vajavać za Rasiju pajšoŭ były palitviazień z Homiela. U Biełarusi jon u śpisie «terarystaŭ»
«Ractruščeńnie hałavy». Stali viadomyja pryčyny śmierci biełarusaŭ, jakija vajavali za Rasiju
Ukrainski prajekt «Chaču žyć» nazvaŭ imiony bolš za 700 biełarusaŭ, jakija vajavali na rasijskim baku POŬNY ŚPIS
Za Rasiju va Ukrainie vajujuć tysiačy najmitaŭ ź jak minimum paŭsotni krain śvietu. Chto jany?
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary