Na chirurha Andreja Lubieckaha zaviali kryminalnuju spravu za «abrazu pradstaŭnika ŭłady»?
Skivičnaha chirurha Andreja Lubieckaha zatrymali ranicaj 4 maja. Abšukali kvateru, a jaho samoha dastavili ŭ Leninskaje RUUS. Doktar paśpieŭ paviedamić pra heta žoncy, jakaja ź dziećmi niadaŭna źjechała za miažu.
Andrej Lubiecki, fota Nadziei Bužan
Da viečara Lubieckaha tak i nie adpuścili. Z čym źviazana zatrymańnie, svajaki dakładna nie viedajuć, bo advakat nie zmoh da jaho patrapić. Andrej paśpieŭ paviedamić žoncy, što jaho nibyta zabirajuć za «abrazu ŭłady».
«U RUUS skazali, što tam jaho trymać nie buduć, pieraviaduć u IČU na Akreścina», — dzielicca siamja.
Kali havorka idzie pra artykuł 369 Kryminalnaha kodeksa «Abraza pradstaŭnika ŭłady», to Andreja Lubieckaha nie mohuć utrymlivać na Akreścina bolš za troje sutak. Ranicaj u piatnicu jaho pavinny vyzvalić.
Pakarańnie pa hetym artykule — ad štrafa da 3 hadoŭ chimii.
Čytajcie taksama: Skivičny chirurh Andrej Lubiecki vałancioryŭ pad Akreścina, a jaho žonka Natalla trapiła ŭ «špijonski» film ANT — vialikaja hutarka
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść9
Kamientary