Irynie Ščasnaj, jakoj pahražaje kałonija za viadzieńnie telehram-kanałaŭ, abmiežavali pierapisku
Irynu Ščasnuju HUBAZiK zatrymaŭ jašče ŭ listapadzie. Milicyja paviedamiła, što Ščasnaja viała šerah «destruktyŭnych telehram-kanałaŭ». U jaje doma prajšoŭ pieratrus, žančynu ŭziali pad vartu. Jana padazrajecca pa častcy 2 artykuła 293 KK (arhanizacyja masavych biesparadkaŭ) i znachodzicca ŭ Mahilovie. Ščasnaj pahražaje ad 3 da 8 hadoŭ pazbaŭleńnia voli. Muž paviedamiŭ apošnija padrabiaznaści źniavoleńnia Iryny.
Irynu Ščasnuju pastavili na ŭlik jak schilnuju da ekstremizmu, paviedamlaje muž. Ciapier listy ad jaje nie dachodziać, i jana taksama ich nie atrymlivaje, navat ad svajakoŭ.
U svaich listach Iryna raniej pisała, što niahledziačy ni na što, jana imkniecca nie razhubić siły duchu, źbierahčy siabie i svaju čałaviečuju hodnaść. Bolš za ŭsio na śviecie jana sumuje pa synu. Iryna miarkuje, što termin joj daduć niemały, ale jaje pałochajuć nie hady turmy, a hady rasstańnia ź dziciem. Jašče jana vielmi baicca, što nie zmoža ŭbačyć chvoraha baćku-invalida.
Pra historyju Iryny čytajcie tut: «Jana viarnułasia ŭ Biełaruś, bo sumavała pa radzimie». Chto takaja Iryna Ščasnaja, jakoj pahražaje kałonija za viadzieńnie telehram-kanałaŭ
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»19
Kamientary