U Drazdach vystavili na prodaž katedž z rekordnaj canoj — $7,5 miljona ŠMAT FOTA
Pobač žyvuć čynoŭniki, a haspadynia hetaha doma — 88‑hadovaja piensijanierka.
Dom vidavočna vydzialajecca navat siarod šykoŭnaj zabudoŭli Drazdoŭ: simietryčny fasad, łomanaja linija dachu, vysokija kominy.
Ahulnaja płošča hetaha pałaca — kala 620 kvadrataŭ, žyłaja — bolš za 400. U abjavie paznačana, što ŭ svoj čas nad prajektam pracavali jeŭrapiejskija dyzajniery.
Na ŭvachodzie haściej sustrakajuć statui lvoŭ.
A ŭ paradnaj — pafasnaja leśvica z kavanymi parenčami. Jość dva žyłyja uzroŭni i cokalny pavierch.
U hałoŭnym budynku (bo jość na terytoryi i haściavy domik z kuchniaj, kaminnaj zonaj, spalniaj i sanvuzłom) praduhledžana try spalni, kožnaja ź jakich maje svoj vanny pakoj.
Hałoŭnaja ź ich pa pamiery bolšaja za kvateru siaredniestatystyčnaha minčanina — amal 67 kvadrataŭ.
Praduhledžany i pracoŭny kabiniet.
Na cokali raźmieščany chatni kinateatr, barnaja zona, biljard i akustyčny rajal.
Asobna vydzieleny paŭnacenny haspadarčy i inžynierny błok.
Da ŭsioj hetaj raskošy prykładajecca ŭčastak płoščaj 25 sotak. Na im jość navat ułasnaja sažałka hłybinioj 2,5 mietra — u joj možna kupacca.
Dla adpačynku pabudavany łaźnievy kompleks z terasaj nad vadoj. Stvorana niekalki asobnych zon adpačynku, u tym liku łaŭnž i barbiekiu, jość spartyŭnaja zona.
A špacyravać možna pa cudoŭnym sadzie, dzie pradumana viečarovaje aśviatleńnie.
Jość miesca dla parkoŭki dźviuch mašyn i zaradnaja stancyja dla elektramabilaŭ.
Prosiać za taki abjekt 7,5 miljona dalaraŭ (heta amal 21,6 miljona rubloŭ).
Pavodle infarmacyi Nacyjanalnaha kadastravaha ahienctva, pa stanie na 2021 hod katedž naležaŭ piensijaniercy Nadziei Zajcavaj. Sioleta joj maje być 89 hadoŭ, ale mahčymaści pravieryć, ci jana žyvaja i ci pa-raniejšamu zastajecca ŭłaśnicaj doma, niama.
Pa infarmacyi Belpol, Nadzieja Zajcava — maci biznesmiena Ihara Zajcava, suzasnavalnika sietki juvielirnych kram «Zika». Mienavita jon vykupiŭ dva susiednija ŭčastki ŭ miascovych žycharoŭ, a potym ich abjadnaŭ.
Historyju taho, jak ź Viaśnianki rabili supierelitny rajon, «Naša Niva» pisała ŭ 2014 hodzie.
«Naša Niva» — bastyjon biełaruščyny
PADTRYMAĆCiapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA3
Kamientary