Žycharku Homiela kinuli ŭ kałoniju pa šaści kryminałkach za kamientary ŭ telehramie
49‑hadovaj Taćcianie Mahnusavaj prysudzili try hady źniavoleńnia.
Taćcianie Mahnusavaj z Homiela 49 hadoŭ. Žančyna bolš za 25 hadoŭ u šlubie. Jaje muž pracuje vyratavalnikam, razam jany vyhadavali syna.
Taćciana pisała, što ličyć siabie siarednim kłasam: «My nie aliharchi, ale ŭsiaho dabilisia ŭłasnaj pracaj, majem kvateru, lecišča i dva aŭtamabili».
«Ja absalutna ščaślivaja žančyna! U mianie ŭ siamji razumieńnie i harmonija», — dzialiłasia jana ŭ sacsietkach.
U volny čas hamialčanka zachaplałasia realici-šou, ezaterykaj, narodnaj miedycynaj.
Mahnusavu aryštavali kala hoda tamu. Stała viadoma, što Taćcianu asudzili ŭ Homielskim abłasnym sudzie pa niekalkich artykułach — č. 1 art. 368 KK («abraza Łukašenki»), č. 2 art. 367 KK («paklop na Łukašenku»), č. 3 art. 361 KK («zakliki da dziejańniaŭ, nakiravanych na pryčynieńnie škody Biełarusi»), č. 3 art. 361‑1 KK («udzieł u ekstremisckim farmiravańni»), art. 369‑1 KK («dyskredytacyja Biełarusi») i č. 1 art. 130 KK («raspalvańnie varožaści»).
Sprava ŭ jaje kamientarach u telehramie. Akaŭnt Taćciany nazyvaŭsia jaje ŭłasnym imiem i byŭ pryviazany da biełaruskaha numara. Ź jaho jana i pakidała kamientary.
Pa infarmacyi Dissident.by, Mahnusavaj prysudzili try hady kałonii.
«Naša Niva» — bastyjon biełaruščyny
PADTRYMAĆCiapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho7
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary