Netflix prezientavaŭ novy sieryjał — hałoŭnaja tajna ŭ im źviazanaja ź Biełaruśsiu
Na Netflix vyjšaŭ sieryjał «Rassakrečanyja» (Unfamiliar). Jaho scenarysty, jak i ich šmatlikija kalehi ź inšych prajektaŭ, vyrašyli ŭpleści ŭ siužet Biełaruś — atrymałasia vielmi tajamniča.
Hałoŭnyja hieroi sieryjała — Mieret i Simon Šefiery, byłyja niamieckija špijony. Jany stvaryli siamju, vychoŭvajuć dačku i sprabujuć žyć zvyčajnym žyćciom, adnačasova kirujučy kanśpiratyŭnaj kvateraj u Bierlinie.
Ale na ich vychodzić zahadkavy mužčyna, jakomu patrebnaja dapamoha Šefieraŭ. Hety čałaviek źviazany z tajamničaj i vielmi niaŭdałaj misijaj, kali 16 hadoŭ tamu Mieret i Simona nakiravali pracavać u Biełarusi. Kadry Biełarusi, jak jaje bačać zamiežnyja kinošniki, u sieryjale taksama buduć.
Ciapier na Mieret i Simona paluje rasijskaja vyviedka, i im davodzicca raźbiracca z nastupstvami minułaha. Hieroi sprabujuć zrazumieć, jakim čynam ich ciapierašnija prablemy źviazanyja ź Biełaruśsiu, i što zrabić, kab pakinuć minułaje ŭ minułym.
Krytyki paraŭnoŭvajuć «Rassakrečanych» z paŭnamietražkaj 2006 hoda «Mister i misis Śmit» — maŭlaŭ, niemcy vyrašyli źniać svaju historyju pra špijonskuju paru. Rejtynhi ŭ prajekta pakul niezajzdrosnyja: naprykład, na płatformie IMDb sieryjał nabraŭ 6,9 bała z 10.
«Naša Niva» — bastyjon biełaruščyny
PADTRYMAĆ
Kamientary