Taćciana z Karelickaha rajona praz tyktok adstajała sielskuju kramu «Rodny kut»
Skarha dapamahła zachavać kramu ŭ Jaremičach, jakaja absłuhoŭvała adrazu niekalki viosak. Historyja atrymała pazityŭny finał, piša BGmedia.
U kancy minułaha miesiaca žycharka adnoj ź viosak Karelickaha rajona Taćciana źviarnuła ŭvahu na prablemy ź miascovym mahazinam sietki «Rodny Kut», jaki absłuhoŭvaŭ adrazu niekalki nasielenych punktaŭ. Pavodle słoŭ žančyny, ludzi mahli stracić zručny punkt prodažu praduktaŭ — isnavała pahroza zakryćcia kramy.
Mahazin pracavaŭ u vioscy Jaremičy i absłuhoŭvaŭ navakolnyja vioski Karelickaha rajona: Małyja Žuchavičy, Novaje Siało, Paharełku, Vialikuju Arbinu, Małuju Arbinu, Daŭhinava i Siniaŭskuju Słabadu.
Paźniej z kramy zvolniłasia supracoŭnica — jana, pa słovach Taćciany, nie vytrymała vialikaj nahruzki.
Žančyna vykonvała adrazu niekalki funkcyj: ad kačahara da hruzčyka i pradavački. U vyniku jana syšła, a krama časova začyniłasia.
U tyktoku Taćciana abvinavaciła kiraŭnictva sietki ŭ abyjakavaści da supracoŭnikaŭ i žycharoŭ sielskaj miascovaści. Pavodle jaje słoŭ, takaja palityka pryviała da zakryćcia adzinaj sietkavaj kramy, jakaja pracavała na niekalki viosak.
Što adbyłosia paśla publikacyi rolika
Na skarhi žycharki miascovyja ŭłady i kiraŭnictva kramy adreahavali davoli chutka. Videa ŭ sacsietkach pryciahnuła ŭvahu čynoŭnikaŭ, a historyja atrymała rezanans u miascovych ŚMI.
Adnak vyrašeńnie prablemy zaciahnułasia. Paśla publikacyj u tyktoku ŭ vioscy adbyŭsia schod z udziełam miascovych čynoŭnikaŭ i pradstaŭnikoŭ sistemy spažyvieckaj kaapieracyi.
Na sustreču pryjšli staršynia sielsavieta, pradstaŭnik adździeła ekanomiki Karelickaha rajvykankama, supracoŭniki RAJPO, u tym liku kiraŭnica Biełkaapsajuzu i pradstaŭnica adździeła handlu. Schod sabrali, kab abmierkavać situacyju z zakryćciom kramy i mahčymyja šlachi jaje vyrašeńnia.
Ja by uspokoiłaś, no nie pośle takoho obŝienija s lud́mi!!!
Padčas sustrečy Taćciana ŭzdymała pytańni pra praterminavanyja pradukty, nahruzku na pradaŭcoŭ i ŭmovy pracy ŭ kramie. Asobna jana źviarnuła ŭvahu na kasavyja terminały, jakija, pavodle jaje słoŭ, «hlučać». Adnak vyraznych adkazaŭ na svaje pytańni žančyna tady nie pačuła.
Asobna abmiarkoŭvałasia tema aŭtakramaŭ, jakija kiraŭnictva nazvała adnym z varyjantaŭ vyrašeńnia prablemy. Z takim padychodam Taćciana nie pahadziłasia. Jana adznačyła, što aŭtakramy nie mohuć zamianić stacyjanarnuju kramu, bo asartymient u ich skaračajecca ad punkta da punkta.
Ci atrymałasia vyrašyć prablemu?
Paźniej, paśla čarhovych publikacyj u tyktoku, situacyju ŭsio ž udałosia vyrašyć, i historyja atrymała pazityŭny finał.
Supracoŭnikam kramy paabiacali vyrašyć techničnyja prablemy — u tym liku ź niapravilna ŭstalavanym kandycyjanieram, jaki puskaŭ ciopłaje pavietra ŭ stol.
Aŭtarka historyi taksama apisała svoj asabisty vizit u kramu. Na 32 rubli jana nabyła muku, cukar i masła pa akcyi, a taksama ziefir, chatniaje piečyva z karycaj, kiefir i miasnyja pradukty miascovaha kambinata.
Pavodle jaje słoŭ, u kramie było čysta i akuratna, absłuhoŭvała pakupnikoŭ vietlivaja dziaŭčyna, jakoj dapamahała bolš daśviedčanaja supracoŭnica. Praterminavanych tavaraŭ, jakija žančyna zaŭvažała raniej, u hety raz nie było.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA11
Kamientary
PRablema tam nie ŭ pradavačkach, a ŭ kiraŭnictvie Biełkaapsajuza, złodziei ŭsio tam razakrali...