U sudzie Zavodskaha rajona byŭ abvieščany prysud pa kryminalnaj spravie suprać čatyroch administrataraŭ telehram-kanała i čata kiroŭcaŭ, paviedamlaje spring96.org.
Pa spravie prachodzili palitviaźni Dzianis Hucin, Viktoryja Kulša i Hanna Višniak — jany byli zatrymanyja ŭvosień.
Čaćviortaja abvinavačanaja — Taćciana Škrobat, jana znachodziłasia da suda pad padpiskaj ab niavyjeździe. Usich abvinavacili pa č. 1 i č. 2 artykuła 342 Kryminalnaha kodeksa (arhanizacyja hrupavych dziejańniaŭ, jakija hruba parušajuć hramadski paradak, i padrychtoŭka albo navučańnie takoj dziejnaści).
Słuchańni prachodzili ŭ zakrytym režymie.
U vyniku prakuror paprasiŭ pakarać Hucina, Kulšu i Višniak, jakija svajoj viny nie pryznali, dvuma hadami i šaściu miesiacami pazbaŭleńnia voli ŭ kałonii ahulnaha režymu, Taćcianu Škrobat, jakaja supracoŭničała sa śledstvam i pryznała vinu, — tryma hadami chatniaj chimii. Mienavita taki prysud i vyniesła sudździa Žanna Chvajnickaja.
Kamientary