Chto taki Alaksiej Hłotaŭ, jakoha AMAP zatrymaŭ nibyta za płany ŭzarvać rasijski vuzieł suviazi pad Vilejkaj?
Niadaŭna Alaksandr Łukašenka paviedamiŭ pra šerah teraktaŭ, jakija praduchilili biełaruskija siłaviki: maŭlaŭ, płanavałasia pakušeńnie na Azaronka, dyviersija ŭ lashasie i vybuch na rasijskim vajennym vuźle suviazi pad Vilejkaj. Dziaržaŭnyja ŚMI paźniej pakazali kadry zatrymańnia niekatorych ludziej, usie jany nibyta z čataŭ tak zvanych «Atradaŭ hramadzianskaj samaabarony». «Naša Niva» sabrała infarmacyju pra adnaho z zatrymanych. Mienavita jaho pakazvali jak čałavieka, što mieŭ namier uzarvać vuzieł suviazi.
Alaksieju Hłotavu 43 hady, jon žyvie ŭ ahraharadku Kamunar Buda-Kašaloŭskaha rajona (Homielskaja vobłaść).
Byŭ žanaty, u šlubie naradziłasia dvoje chłopcaŭ, ale z žonkaj Alaksiej daŭno raźvioŭsia.
«Jon kaliści pracavaŭ budaŭnikom na brojlernaj ptuškafabrycy, paśla pracavaŭ na siabie: vyrablaŭ i źbiraŭ korpusnuju meblu», — raskazvajuć pra Hłotava znajomyja.
U ahraharadku pra zatrymańnie čuli, ale biez padrabiaznaściaŭ: «Kažuć, niejki terakt u Minsku płanavaŭ».
«Naša Niva» źviazałasia z mamaj Alaksieja, ale žančyna nie zachacieła razmaŭlać. «Jaho zatrymali, kali jechaŭ na pracu. Bolš ničoha nie viedaju», — skazała jana.
Zatrymańnie Hłotava
Uvohule reakcyja niekatorych svajakoŭ na zatrymańnie Alaksieja cikavaja:
«Zatrymali — značyć, było za što», «Narmalnych ludziej nie zatrymlivajuć, nie parušajcie zakon», «Žyvicie, pracujcie i vas nichto nie kranie». Niekatoryja siabry ci svajaki prosta praihnaravali pytańni ci moŭčki zabłakavali akaŭnt karespandenta «Našaj Nivy».
Miarkujučy pa sacsietkach, asnoŭnaje chobi Hłotava — rybałka. Akramia jaje, jość zdymki z pracy i šmatlikija padpiski na supołki znajomstvaŭ.
Uletku 2020 hoda Hłotaŭ repościŭ paviedamleńni telehram-kanałaŭ, radavaŭsia rehistracyi Śviatłany Cichanoŭskaj kandydatam u prezidenty. Apošnim časam u sacsietkach palityčnaha ci sacyjalnaha paradku dnia ŭžo nie było.
«Naša Niva» adšukała i byłuju žonku Alaksieja, ale taja admoviłasia ad razmovy. «Nam niama pra što z vami havaryć, my ź im razam daŭno nie žyviem», — skazała jana.
Alaksieja Hłotava zatrymali 30 červienia, pry sabie jon nibyta mieŭ pistalet.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu12
Kamientary