Vyjšła šostaja kinačastka Pateryjany. Piša Andrej Rasinski.
Hary Poter i prync-paŭkroŭka (Harry Potter and the Half-Blood Prince)
Vialikabrytanija – ZŠA, 2009, kalarovy, 153 chv.
Režysior: Dejvid Jets
Roli vykonvajuć: Denieł Redklif, Ema Ŭotsan, Rupert Hryn, Majkł Hemban, Ałan Rykman, Džym Brodbent, Chielena Bonem-Karter
Žanr: kazačnyja pryhody pavodle adnajmiennaj knihi Džaan Roŭlinh
Adznaka: 6 (z 10)
Hary Poteru, jaki praciahvaje navučańnie ŭ čaroŭnaje škole, traplaje ŭ ruki zahadkavaja kniha prynca-paŭkroŭki. Razam ź siabrami i dyrektaram Dambłdoram jon sprabuje raskryć sakrety złoha čaraŭnika Vołan de Morta.
Šostaja sieryja Pateryjany pastaŭlenaja režysioram Dejvidam Jietsam u popielna-šerych tanach. Kožnaja novaja novaja kniha Džaan Roŭlinh stanaviłasia ŭsio zmračniejšaj – i ekranizacyja adlustroŭvaje źmienu atmaśfiery. Zło irviecca na vulicy Łondana, ludzi źlakanyja, nad škołaj zavisajuć ciomnyja chmary-znaki.
Mnohija sceny – z praklonami i padvodnymi mierćviakami – nahadvajuć chorary, tak što stužka maje ŭzrostavyja abmiežavańni – prahlad dzieciam tolki z darosłymi. Ale hałoŭnyja bojki razhortvajucca ŭ sercach hierojaŭ, prychodzić kachańnie – i źniata heta z vyklučnaj cnatlivaściu, jak i maje być u kazcy.
Hiermijona ładzić sceny reŭnaści, Hary baicca pryznacca ŭ lubovi da Džyni, a Ron stajecca achviaraj paciešna-naviaźlivaj dziavuli j trucicca luboŭnymi ziołkami. Heta zvyčajnyja padletki – sa svaimi radaściami j prablemami – u pabytova-čaroŭnych abstavinach.
A za aknom zhuščajecca ciemra, čarnilnyja kropli ŭspaminaŭ – vydatnaja vizualnaja vynachodka! – stvarajuć karciny žyćcia ź nianaviściu ŭ sercy, nabližajucca ciažkija časy.
I tolki ludzkaja salidarnaść zdolnaja razahnać zmrok.
Vas čakajuć novyja vyprabavańni – i pryhody z «Darami Śmierci».
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary