«Možam vykazać škadavańnie»: Kreml — ab zakryćci pradstaŭnictva «Kamsamolskaj praŭdy» ŭ Biełarusi
Ab hetym pres-sakratar Uładzimira Pucina Dźmitryj Piaskoŭ zajaviŭ siońnia, adkazvajučy na pytańnie žurnalistaŭ «Echa Maskvy».
Pytańnie hučała nastupnym čynam: [Paśla zatrymańnia žurnalista Hienadzia Mažejki] «Kamsamolskaja praŭda» była vymušanaja zakryć svoj filijał u Biełarusi. Jak vy možacie skazać, ci pačuŭ biełaruski bok vas, prezidenta RF ci možna skazać, što pakul nie naładžany dyjałoh?
«Nie, u dadzienym vypadku my bačym, što, nu, pa ŭsioj bačnaści adzinaje pravilnaje rašeńnie pryniało vydańnie ab zakryćci hetaha padraździaleńnia ŭ Biełarusi. Možna vykazać škadavańnie ŭ suviazi z tym, što ŭ Biełarusi spyniła pracu naša vielmi aŭtarytetnaje, papularnaje i vielmi pavažanaje vydańnie. My pa-raniejšamu ličym i pierakananyja, što ŭsie zakonnyja pravy žurnalistaŭ pavinny być zabiaśpiečanyja» — adkazaŭ Piaskoŭ.
Što da zatrymanaha Hienadzia Mažejki, to Piaskoŭ zajaviŭ nastupnaje: «Sprava ŭ tym, što my nie majem nijakich jurydyčnych padstaŭ zajmacca abaronaj intaresaŭ hetaha žurnalista, tamu što jon źjaŭlajecca hramadzianinam Biełarusi, my nijakim čynam nie majem prava ŭmiešvacca ŭ jaho adnosiny ź biełaruskimi ŭładami», — cytuje pradstaŭnika Kramla TASS.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary