Kapitan zbornaj Maroka admoviŭsia ad trafieju Kubka Afryki pacla parady maci
Ašraf Chakimi zajaviŭ, što Sieniehał sumlenna pieramoh Maroka ŭ finale turniru i zasłuhoŭvaŭ pieramohi.
Kapitan zbornaj Maroka pa futbole Ašraf Chakimi zajaviŭ, što admaŭlajecca ad trafieju, prysudžanaha kamandzie pa vynikach Kubka afrykanskich nacyj 2025 hoda. Jaho słovy pryvodzić GhanaSoccernet.
Afrykanskaja kanfiederacyja futboła (CAF) 17 sakavika praz dva miesiacy paśla finału turniru abviaściła, što zbornaj Sieniehała zaličana techničnuju parazu ŭ finale Kubka Afryki ź likam 0:3, a pieramožcam turniru abvieščana kamanda Maroka. Apielacyjny saviet kanfiederacyi pryjšoŭ da vysnovy, što sieniehalcy parušyli adrazu dva artykuły rehłamientu turniru, jakija praduhledžvajuć u jakaści pakarańnia techničnaje paražeńnie za admovu praciahvać hulniu biez dazvołu arbitra.
«Maja mama skazała mnie admovicca ad trafieja Kubka afrykanskich nacyj. Ja aficyjna admaŭlajusia ad trafieja i spadziajusia, što maje partniory pa kamandzie zrobiać toje ž samaje. U nas byŭ šaniec vyjhrać, ale my jaho ŭpuścili», — skazaŭ Chakimi.
Pa słovach zorki PSŽ, Sieniehał sumlenna pieramoh zbornuju Maroka. «Ja aficyjna admaŭlajusia ad trafieju. Ja nie vyjhraŭ Kubak afrykanskich nacyj. Jašče raz vinšuju Sieniehał», — skazaŭ futbalist.
Kubak Afryki pa futbole prajšoŭ u Maroka. U finale 18 studzienia hulali Maroka i Sieniehał. U kancy druhoha tajma ŭ varoty Sieniehała pry liku 0:0 byŭ pryznačany pienalci. Sieniehalcy paličyli heta niespraviadlivym, i trenier uvioŭ kamandu z pola.
Praź niekalki chvilin futbalisty viarnulisia, ale marakaniec Braim Dyjas nie realizavaŭ pienalci. Asnoŭny čas skončyŭsia 0:0, a ŭ dadatkovy Sieniehał zabiŭ pieramožny hoł i tady staŭ uładalnikam Kubka Afryki. Ale praz dva miesiacy Afrykanskaja fiederacyja futbołu pierahledzieła vynik finał i addała pieramohu Maroka.
Kamientary