U Prazie 21 sakavika prajšoŭ mitynh suprać uradu premjer-ministra Andreja Babiša. Pa papiarednich acenkach, na jaho sabrałasia bolš za 200 tysiač čałaviek, paviedamlajuć České Noviny.
Demanstracyju «My nie dazvolim skraści našu budučyniu» ŭ pražskim rajonie Letna arhanizavała inicyjatyva «Miljon imhnieńniaŭ za demakratyju». Ludzi vyjšli na mitynh, kab vykazać pratest suprać uzmacnieńnia ŭpłyvu aliharchaŭ i adychodu ŭład ad demakratyčnych pryncypaŭ. Abureńnie vyklikaje taksama zakon ab inahientach — krytyki ličać, što jon padobny da rasijskaha. Kali zakon budzie pryniaty, to jon abaviaža rehistravacca mnohich jurydyčnych i fizičnych asob, jakija majuć suviazi z zamiežnymi krainami ci atrymlivajuć zamiežnaje finansavańnie. Za nievykanańnie — vialikija štrafy
Apazicyja krytykuje taksama płany ŭrada źmianić finansavańnie dziaržSMI, skaracić vydatki na abaronu i źmiakčeńnie rytoryki ŭ adnosinach Rasii.
Premjer Čechii Andrej Babiš — miljarder, kiraŭnik pravapapulisckaj partyi ANO. U kaalicyju ź jaho partyjaj ANO uvajšli dźvie pravapapulisckija siły: «Svaboda i pramaja demakratyja», jakaja viała kampaniju krytyki mihracyi, u tym liku z Ukrainy, a taksama «Aŭtamabilisty dla siabie», jakaja vystupaje suprać «zialonaha paradku dnia».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty19
Kamientary
Aryjec ci abrany ?? Vy padobny u svaich kamientach