Chto zmoža dvojčy zrabić EKA biaspłatna? Raskazaŭ ministr achovy zdaroŭja
Ukaz chutka budzie padrychtavany. Uvodzicca niekalki źmien.
Prajekt ukaza, jaki dazvolić rabić druhuju sprobu EKA (ekstrakarparalnaha apładnieńnia) biaspłatna, budzie dapracavany na praciahu 10‑14 dzion. Pra heta paviedamiŭ ministr achovy zdaroŭja Alaksandr Chadžajeŭ u efiry telekanała «Pieršy infarmacyjny».
Ministr adznačyŭ, što abnoŭleny ŭkaz daść «maksimalnuju šyryniu mahčymaści prymianieńnia pracedury da tych uraźlivych katehoryj žančyn, jakija na siońnia nie zmahli jašče realizavać pa niejkich pryčynach svaju dzietarodnuju funkcyju».
Što budzie va ŭkazie? Uvodzicca druhaja biaspłatnaja sproba EKA — nie tolki dla zamužnich, ale i adzinokich žančyn. Taksama płanujuć pavialičyć uzrost dla druhoj sproby da 49 hadoŭ (pieršaje biaspłatnaje EKA ciapier dazvolena da 40 hadoŭ).
«Druhaja sproba EKA da 49 hadoŭ budzie prapanavanaja tym žančynam, jakija zmahli skarystacca pieršaj sprobaj i atrymać vynik — naradzić. Paśla 40 hadoŭ vynikovaść dadzienaj pracedury padaje. Tamu važna, kab da 40 hadoŭ našy pary, adzinokija žančyny, uśviadomiŭšy patrebu ŭ maciarynstvie, zmahli pieršuju sprobu vykarystoŭvać i atrymać vynik», — patłumačyŭ ministr.
Pieršaja biaspłatnaja sproba EKA ŭ Biełarusi ŭviedziena z 2021 hoda. Pa hetaj prahramie biaspłatnaha EKA naradziłasia kala 2,5 tysiačy dziaciej.
Na takija miery ŭłady šturchaje padzieńnie naradžalnaści ŭ krainie. Tak, za apošni hod naradžalnaść źmienšyłasia jašče na 10,7%, a kaeficyjent naradžalnaści za 2025 hod, vierahodna, składzie 5,75‰.
Kamientary
- Ty, baćka, cipa za tradycyjnyja kaštoŭnaści, a pres-sakratarka ŭ ciabie biaździetnaja ŭ 42. Hiŭ pis e čens. Pra Vańku ty i tak viedaješ... A za svaje jana EKA rabić admaŭlajecca, chaj biełarusiki apłociać.
- Nu, ładna, uhavaryła, pišy moj carski ŭkaz: zabiaśpiečyć 2-ju biaspłatnuju sprobu EKA paśla 40. Punkt DSP: u vypadku biaździetnaści Natalli E. da 01.01.2027, zvolnić ź dziaržsłužby "za stratu davieru" i pryciahnuć jaje da kryminalnaj adkaznaści za zdradu dziaržavie.