Redaktar «Kamsamołki» raskazaŭ padrabiaznaści zatrymańnia Hienadzia Mažejki ŭ maskoŭskim aeraporcie
Hałoŭny redaktar «Kamsamolskaj praŭdy» Uładzimir Sunhorkin u razmovie ź Cinaj Kandełaki ŭ efiry prahramy «Śpiecyjalny hość» na RTVI raspavioŭ, jak žurnalist Hienadź Mažejka sprabavaŭ vylecieć u Varšavu z aeraporta Šaramiećcieva i chto «dapamoh» jamu palacieć u Minsk.
«Nieaficyjna my viedajem nastupnaje: kali jon pryjechaŭ u aeraport Šaramiećcieva na rehistracyju rejsa ŭ Varšavu, da jaho padyšli supracoŭniki našych śpiecsłužbaŭ — znoŭ ža, ja kažu «našy» nieaficyjna — i skazali: «Darahi tavaryš Mažejka Hienadź, vy ličyciesia ŭ nas u śpisach niepažadanych pierson i pavinny pakinuć Maskvu», — raspavioŭ Sunhorkin.
Jak ja razumieju, jon adkazaŭ: «Achvotna pakinu, voś moj kvitok u Varšavu». «Vybačajcie, nie-nie-nie, vy pavinny pakinuć Maskvu i viarnucca tudy, adkul vy da nas prybyli, vy pavinny viarnucca ŭ Minsk, i my vam u hetym dapamožam».
Hałoŭny redaktar «KP» adznačyŭ, što Mažejka praviali ŭ samalot na rejs u Minsk, tam jaho sustreli supracoŭniki KDB Biełarusi i ŭžo praviali zrazumieła kudy. «I voś jon užo na hetuju chvilinu kala dvuch tydniaŭ znachodzicca tam», — padkreśliŭ jon.
Taksama Sunhorkin raspavioŭ, što, znachodziačysia ŭ Maskvie, Mažejka nie źviazvaŭsia ź im.
«Sa mnoj nie źviazvaŭsia, dla nas heta była ŭsio tajamnica, pakrytaja ciemraj. Ni sa mnoj, ni z maimi kalehami, ni z kim. My doŭha hadali, kali jon prosta źnik, moža, jon u dziaŭčyny, umoŭna kažučy, dzie-niebudź. A dalej — pravaabarončyja forumy paviedamlajuć, što jon naohuł užo ŭ SIZA na Akreścina, što vielmi cikava i robić honar hetym pravaabarončym forumam. «Kamsamołka» jašče ničoha nie zmahła daviedacca, a jany ŭžo kažuć, što jon u SIZA na Akreścina. My jašče navat baćkoŭ nie zmahli znajści, jany niekalki hadzin chavalisia», — rastłumačyŭ hałoŭny redaktar.
Uładzimir Sunhorkin nazyvaŭ toje, što adbyvajecca z hazietaj i supracoŭnikam vydańnia ŭ Biełarusi, «samavolstvam». «Čym jano vyklikana, ja nie razumieju. Heta nieadekvatnaja reakcyja na absalutna niavinnuju natatku», — skazaŭ jon.
-
Francuzski hihant mabilnych hulniaŭ Voodoo abvinavaciŭ biełaruskuju SayGames u kapijavańni mabilnaj hulni — i znoŭ prajhraŭ
-
Biełarusy za miažoju znajšli prymianieńnie niadziejnamu biełaruskamu pašpartu
-
Cieła zabitaj u Izraili 31‑hadovaj Janiny pachavali ŭ Biełarusi. Jaje maci sprabuje zabrać maleńkaha ŭnuka
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary