Biełaruś pavinna admianić likvidacyju ekałahičnaj arhanizacyi, inakš krainu čakajuć čarhovyja abmiežavańni
Biełaruskija ekołahi na mižnarodnym uzroŭni dabiłasia pryznańnia, što likvidacyi arhanizacyi «Ekadom», jakaja šmat hod zajmałasia pytańniami ekałohii ŭ krainie, źjaŭlajecca pieraśledam i ŭciskam. Takoje rašeńnie pryniata ŭpieršyniu ŭ historyi Orchuskaj kanviencyi. Biełaruskim uładam rekamiendavana da 1 śniežnia ŭznavić «Ekadom», inakš krainu čakajuć čarhovyja abmiežavańni.
Što takoje Orchuskaja kanviencyja? Heta kanviencyja Jeŭrapiejskaj ekanamičnaj kamisii AAN ab dostupie da infarmacyi, udziele hramadskaści ŭ pracesie pryniaćcia rašeńniaŭ i dostupie da pravasudździa pa pytańniach, jakija tyčacca navakolnaha asiarodździa. U Biełarusi Kanviencyja była zaćvierdžana ŭ 1999 hodzie, pałažeńni Kanviencyi źjaŭlajucca častkaj nacyjanalnaj sistemy zakanadaŭstva i źjaŭlajucca abaviazkovym da vykanańnia.
21 kastryčnika na sustrečy bakoŭ Orchuskaj kanviencyi było pryniata rašeńnie pa Biełarusi, jakoje pryznała likvidacyju «Ekadoma» pieraśledam i ŭciskam niaŭradavaj arhanizacyi. Rašeńnie praduhledžvaje prypynieńnie dla Biełarusi pravoŭ i pryvilejaŭ, zhodna z Kanviencyjaj, kali kraina nie ŭznović dziejnaść «Ekadoma».
Što heta značyć na praktycy? Pa-pieršaje, čarhovy imidžavy ŭron dla krainy na mižnarodnym uzroŭni. Pa-druhoje, mahčymaje zhortvańnie ekałahičnych prahram i padtrymki, jakuju kraina atrymlivała dziesiacihodździami. Mnohija ekałahičnyja prablemy ŭ Biełarusi, u tym liku źviazanyja z nastupstvami Čarnobylskaj avaryi, vyrašalisia za košt mižnarodnaj dapamohi.
Bolš detalovy płan dziejańniaŭ budzie zrazumieły bližej da lutaha 2022-ha, kali pastanova ŭstupić u siłu. Varta adznačyć, što heta pieršy vypadak u historyi, raniej nivodnaja kraina nie była ŭ takim stanoviščy. Va ŭładaŭ jość čas da 1 śniežnia, kab uznavić «Ekadom», paśla pačnucca nastupstvy.
Nahadajem, u žniŭni sud likvidavaŭ «Ekadom». Źniščeńnie arhanizacyi było častkaj razhromu hramadzianskaj supolnaści Biełarusi paśla taho, jak ZŠA i ES uviali sankcyi suprać režymu Łukašenki.
«Nie NDA, NKA i inšaja dreń». Łukašenka prapanavaŭ «zakanadaŭča vyznačyć hramadzianskuju supolnaść»
Ciapier čytajuć
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA11
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary