Usie aŭtobusy abaviazali mieć sistemy videafiksacyi i ramiani biaśpieki dla pasažyraŭ
Urad pryniaŭ pastanovu, jakaja źmianiaje praviły aŭtamabilnych pieravozak pasažyraŭ i hruzaŭ. Dakumient padpisaŭ premjer-ministr Alaksandr Turčyn.
Dakumient praduhledžvaje zaćviardžeńnie abnoŭlenych pravił, źmianieńni ŭ paradku praviadzieńnia konkursaŭ na rehularnyja pasažyrskija pieravozki, a taksama dapaŭnieńnie śpisu arhanizacyj, jakija kaardynujuć čyhunačnyja pieravozki pradukcyi ŭ Kitaj.
U častcy pasažyrskich pieravozak uvodzicca šerah novych patrabavańniaŭ. Usie aŭtobusy pavinny być abstalavanyja sistemami videafiksacyi, a pasažyrskija miescy — ramianiami biaśpieki. Pieravozčyki abaviazvajucca aficyjna zaklučać pracoŭnyja dahavory z kiroŭcami.
Taksama ŭparadkoŭvajecca sistema prajaznych dakumientaŭ — jany buduć vykarystoŭvacca pa anałohii z haradskim elektratranspartam. U śfiery taksi zabaraniajecca źmianiać sposab apłaty padčas pajezdki, a raźliki pavinny adbyvacca praz elektronnyja sistemy. Płanujecca źmienšyć vypadki admovy ŭ braniravańni i zavyšanych cen, asabliva kali pasažyr zakazvaje taksi nie praz dadatki ci dyśpietčara, a niepasredna ŭ kiroŭcy.
Asobna adznačajecca źmiena, prapanavanaja Ministerstvam adukacyi: ciapier dla kiroŭcaŭ školnych aŭtobusaŭ patrabujecca nie try hady stažu, a tolki adzin.
Što tyčycca hruzavych pieravozak, to ŭvodzicca abaviazkovaje abstalavańnie transpartu videakamierami i sistemami spadarožnikavaj navihacyi. Pry pieravozcy draŭniny transpart pavinien mieć śpiecyjalnyja prystasavańni, jakija nie dapuskajuć zrušvańnia hruzu. Akramia taho, hruzavyja aŭtamabili i pryčepy pavinny być nakrytyja śpiecyjalnym pakryćciom, kab nie zabrudžvać darohi. Pieravozčyki abaviazanyja sačyć za pravilnym vykarystańniem takoha abstalavańnia.
Źmieny zakranajuć i paradak praviadzieńnia konkursaŭ na rehularnyja pieravozki. U skład kamisij buduć uklučacca arhanizacyi, jakija adkazvajuć za biaśpieku transpartu. Pasiadžeńnie budzie ličycca sapraŭdnym, kali prysutničaje bolš za pałovu členaŭ kamisii. Vyznačajucca adzinyja kryteryi acenki ŭdzielnikaŭ, kab vyklučyć niesumlennych pieravozčykaŭ.
Taksama vyznačajecca, jak buduć kampiensavacca vydatki na praviadzieńnie konkursaŭ, skaračajucca terminy ich praviadzieńnia i dakładna prapisvajucca dziejańni ŭdzielnikaŭ paśla padviadzieńnia vynikaŭ. U tym liku rehłamientujecca, jak zaklučajecca damova, kali pieramožca konkursu pa niejkich pryčynach jaje nie padpisvaje.
U Biełarusi stvorać adzinuju dziaržaŭnuju sistemu prodažu kvitkoŭ
Ci abaviazkova ŭ hramadskim transparcie zdymać zaplečniki?
Paśla padaražańnia prajezdu maršrutka ŭ aeraport Minsk kaštuje ŭ dva razy tańniej, čym aŭtobus. Jak takoje atrymałasia?
U čatyroch abłaściach Biełarusi vyraśli ceny na prajezd hramadskim transpartam
«Minsktrans» uznačaliŭ Kanstancin Hałałobaŭ
Ciapier čytajuć
Cichanoŭski adkazaŭ Cichanoŭskaj: Čamuści nie zhadvajecca, što reabilitacyja syna adbyvałasia ŭ kvaterach i damach, jakija ja kupiŭ90
Kamientary