Zahadčyk adździaleńnia balnicy pisaŭ pra «abascanych ałkašoŭ». Jak adreahavała kiraŭnictva?
Zahadčyk traŭmatałahičnaha adździaleńnia Kaściukovickaj centralnaj balnicy Alaksiej Hrejcar u sacsietkach raiŭ maładym kaleham «zabić ch*j na paklikańnie».
Małady doktar z Kaściukovickaj centralnaj rajonnaj balnicy apynuŭsia ŭ centry skandału paśla svaich kamientaroŭ u Tredsie.
Alaksiej Hrejcar, zahadčyk traŭmatałahičnaha adździaleńnia palikliniki, u publičnych abmierkavańniach dazvalaŭ sabie vykazvańni, u jakich faktyčna staviŭ pad sumnieŭ nieabchodnaść akazańnia miedycynskaj dapamohi niekatorym pacyjentam.
Naprykład, na historyju chłopca, jaki raspavioŭ, jak vyklikaŭ chutkuju dapamohu dla pjanaha mužčyny z raźbitaj hałavoj, adreahavaŭ tak: «Abascanaha bamža im padkinuŭ i jašče chirurham padkinuŭ, małajčyna hieroj». Jašče jon paraiŭ chłopcu skazać dziakuj za toje, što jaho «nie abascali». I dadaŭ: «Dyk zabiary dadomu ałkaša abascanaha i vychodžvaj».
U inšych kamientarach užyvaŭ hrubuju leksiku, žorstka žartavaŭ z pacyjentaŭ, nazyvaŭ pracu ŭ paliklinicy «bł*dskim cyrkam z šalonymi źviaryma» i dapuskaŭ abraźlivyja vykazvańni ŭ bok žančyn.
My patelefanavali ŭ Kaściukovickuju CRB i pad vyhladam udzielnicy abmierkavańnia ŭ sacsietkach paprasili kiraŭnictva prakamientavać dziejańni ich supracoŭnika.
Na zvanok adkazała zahadčyca palikliniki Iryna Pryvałava (Hrejcar jaje padnačaleny). Spačatku surazmoŭca adznačyła, što havorka idzie pra asabistuju prastoru supracoŭnikaŭ. «My nie adsočvajem sacyjalnyja sietki našych rabotnikaŭ. Nie zusim razumieju, što mienavita zdaryłasia?»
Kali ž my pryviali prykłady vykazvańniaŭ — pra «abascanych ałkašej» i charaktarystyku pracy ŭ paliklinicy jak «cyrka», pazicyja źmianiłasia.
«Tak, vy majecie racyju, heta nie prafiesijna i nieetyčna, — adkazała Iryna Pryvałava. — My abaviazkova pahavorym z našym supracoŭnikam, daniasiem, što tak pavodzić siabie nielha. I nie tolki pahavorym».
Na momant publikacyi akaŭnt Alaksieja Hrejcara, ź jakoha pisalisia kamientary, užo byŭ vydaleny.
Na sajcie CRB prybrali infarmacyju ab im jak ab zahadčyku adździaleńnia.
-
Zamiest mietaładachoŭki — dubovaja dranica. U centry Viciebska na miescy milicyi adkryłasia kaviarnia ŭ biezdakorna adnoŭlenym 200‑hadovym budynku
-
«Ludzi damovilisia ŭ adzin čas vyjści ŭ łakalnyja ŭčastki i bić usich aktyvistaŭ». Ihar Łosik raskazaŭ pra bunt u Navapołackaj kałonii
-
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary
on znał kuda idiet-puskaj lečit i ałkaša obossanoho i bomža,oni čto nie ludi?
vot pośle takoj jeho rieakcii na parnia ,kotoryj vyzvał skoruju dla ałkaša, niekotoryje ludi jeŝie podumajut vyzyvať li skoruju dla čiełovieka.
nie vośpitali jeho roditieli dostojnym čiełoviekom s empatijej,vot i vsio.
a žizń ona pokažiet i naučit jeŝio