Vostraŭ Kryt akazaŭsia pad uździejańniem mocnaj pyłavoj bury, vyklikanaj afrykanskim pyłam. Z-za hetaha situacyja na vostravie značna pahoršyłasia: pavietra stała vielmi zabrudžanym, a navakolnaje asiarodździe nahadvała amal apakaliptyčnuju karcinu.
Pyłavaja zasłona razam sa štarmavym vietram pryviała da prablem z avijazłučeńniem. U aeraporcie Iraklijona bačnaść źniziłasia prykładna da adnaho kiłamietra, tamu niekalki mižnarodnych samalotaŭ nie zmahli pryziamlicca i byli nakiravany ŭ inšyja harady, u tym liku ŭ Afiny, Korfu i Chańju.
Ułady abjavili pavyšanuju hatoŭnaść i papiaredzili, što najbolšaja kancentracyja pyłu čakajecca ŭdzień. Žycharam paraili pa mahčymaści nie vychodzić z domu biez patreby, a kiroŭcam — być vielmi aściarožnymi z-za drennaj bačnaści.
Asablivuju ŭvahu źviarnuli na ludziej z hrupy ryzyki — tych, chto maje prablemy z dychańniem abo sercam, dziaciej i pažyłych. Im rekamiendavali zastavacca ŭ pamiaškańniach. Uvohule ž nasielnictvu rajać paźbiahać fizičnych nahruzak na vulicy, trymać vokny začynienymi i pry nieabchodnaści karystacca maskami.
Akramia pyłavoj bury, paŭdniova-ŭschodniaja častka vostrava taksama cierpić ad štarmavoha nadvorja. Pavodle prahnozaŭ, situacyja pavinna pačać palapšacca ŭžo ŭ piatnicu, a śpiecyjalnyja słužby praciahvajuć pastajanna sačyć za abstanoŭkaj.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj7
Kamientary