Muž byłoj kiraŭnicy Ministerstva ŭnutranaj biaśpieki ZŠA lubić adziavać žanočaje i bambičnyja nakładnyja hrudzi
Kryści Noem, archikansiervatarka, adkazvała za pytańni nacyjanalnaj biaśpieki ŭ administracyi Trampa. Tym časam jaje muž, 56‑hadovy biznesmien Brajan Noem, rassłablaŭsia z madelami ź fietyš-supolnaściaŭ. Jamu padabałasia pieraŭvasablacca ŭ žyvuju lalku.
Vialiki masiŭ pierapiski, paviedamleńniaŭ u WhatsApp i fotazdymkaŭ, jakija apynulisia ŭ rasparadžeńni brytanskaha vydańnia Daily Mail, śviedčyć: biznesmien Brajan Noem maje ŭłasnyja sakrety.
Pavodle adnoj z madelaŭ, jakaja doŭhi čas ź im pierapisvałasia i padrabiazna pierakazała hetyja razmovy žurnalistam, jaho fietyš — «vielizarnyja, absurdna vialikija hrudzi abjomam bolš za 3000 kubičnych santymietraŭ». Havorka idzie pra indyvidualnyja impłanty XXL, zdolnyja ŭtrymlivać zvyš 3000 sm³ fizijałahičnaha rastvoru — značna bolš, čym zvyčajna rekamiendujuć chirurhi.
«Heta nazyvajecca bimbafikacyjaj. Ludzi źmianiajuć svajo cieła, kab vyhladać jak lalka Barbi», — patłumačyła jana žurnalistam.
Rasśledavańnie pakazała, što Brajan ščodra absypaŭ kamplimientami chirurhična źmienienych madelaŭ, pryznavaŭsia ŭ zachapleńni «vializnymi, bambičnymi hrudziami» i navat dazvalaŭ sabie dvuchsensoŭnyja vykazvańni pra svoj 34‑hadovy šlub z Kryści.
Jon kantaktavaŭ z žančynami jak pad psieŭdanimami, tak i nie asabliva chavajučysia. Niekatorym svaim kantaktam, dakładniej, kantaktkam jon pryznavaŭsia, što maje žonku i dziaciej.
Adna z žančyn raskazała, što jany abmiarkoŭvali jak zvyčajnyja pobytavyja temy, tak i jaje miehahrudzi. Brajan pytaŭsia: «Zrobiš ich jašče bolšymi?» Jon taksama, pa słovach madeli, pryznavaŭsia joj, što jana «pieratvaraje jaho ŭ dziaŭčynku».
Biznesmien ščodra płaciŭ madelam — pieravioŭ im nie mienš za 25 tysiač dołaraŭ praz elektronnyja płaciežnyja sistemy. Vypłaty zvyčajna składali niekalki socień abo tysiaču dołaraŭ za raz.
Niekatoryja ź ich ź ciaham času vyśvietlili, chto staić za anłajn-profilami. Adna z madelaŭ vypadkova patelefanavała jamu i pačuła aŭtaadkazčyk z nazvaj strachavoj kampanii Noem Insurance. Paśla prostaha pošuku ŭ internecie jana źviazała jaho z mužam viadomaj paplečnicy Trampa.
Na adnym z sełfi, jakim Brajan padzialiŭsia z madellu, na biznesmienie — ružovyja šorty ŭ ablipku i karotki top. Bačna, što baćka traich dziaciej zasunuŭ pad adzieńnie dva pavietranyja šaryki, kab imitavać hrudzi.
Na inšym fota jon paziruje ŭ zialonych lehinsach i biełym topie, pad jakim taksama vyrazna bačnyja vypukłyja śfiery. Na zdymkach dobra vidać jaho tvar, a pravierka nie vyjaviła prykmietaŭ manipulacyj abo hienieracyi štučnym intelektam.
Ekśpierty ŭ śfiery nacyjanalnaj biaśpieki, apytanyja vydańniem, adznačajuć, što takaja dziejnaść mahła stvaryć patencyjnuju ŭraźlivaść dla šantažu.
Pavodle ich słoŭ, infarmacyja padobnaha kštałtu — kłasičny instrumient, jakim karystajucca śpiecsłužby: čałavieka mohuć pastavić pierad vybaram — supracoŭničać abo sutyknucca z publičnym vykryćciom.
Kryści i Brajan pabralisia šlubam jašče ŭ 1992 hodzie, u ich troje darosłych dziaciej. Ich sajuz užo stanaviŭsia abjektam čutak paśla publikacyi ŭ 2023 hodzie infarmacyi pra mahčymy raman Kryści z daradcam Kory Levandoŭski. Tady jana admaŭlała hetuju suviaź, i para praciahvała źjaŭlacca razam na publicy. Navat niadaŭna Brajan padtrymlivaŭ žonku padčas słuchańniaŭ u Kanhresie.
Jak piša Daily Mail, Brajan spyniŭ svaju aktyŭnaść u internecie prykładna ŭ studzieni hetaha hoda — u pieryjad, kali Kryści Noem sutyknułasia z krytykaj i była adpraŭlenaja ŭ adstaŭku. Paśla hetaha jana atrymała novuju pasadu śpiecyjalnaha pasłańnika ŭ inicyjatyvie, nakiravanaj na ŭmacavańnie biaśpieki ŭ Paŭnočnaj i Paŭdniovaj Amierycy.
Kali žurnalisty patelefanavali Brajanu Noemu, jon nie staŭ admaŭlać fakt intymnych razmoŭ i adpraŭki ŭłasnych fatahrafij u žanočym vobrazie. Adnak jon adchiliŭ śćviardžeńni, što jaho pavodziny mahli nanieści škodu nacyjanalnaj biaśpiecy abo paŭpłyvać na stanovišča žonki. Paśla hetaha jon pakłaŭ słuchaŭku.
Pradstaŭnik Kryści Noem paviedamiŭ, što jana «spustošanaja hetaj navinoj», a dla siamji heta vialikaja niespadziavanka, i jany prosiać pavažać ich pryvatnaść.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie40
Kamientary