Pamiatajecie polski dot, na jakim malavali hieorhijeŭskuju stužku? Ciapier jaho ŭpryhožyli Z-simvolikaj
Fartyfikacyjnaje zbudavańnie pad Lachavičami, jakoje ŭzvodziłasia ŭ mižvajenny čas dla abarony ad Čyrvonaj Armii, znoŭ stała achviaraj prapahandysckaha dobraŭparadkavańnia. Hetym razam na jaho ścienach źjaviłasia nie tolki aficyjnaja simvolika, ale i simvały rasijskaj ahresii.
Źmieny ŭ abliččy žalezabietonnaha dota, što mieścicca akurat kala trasy R-4 pamiž Baranavičami i Lachavičami i dobra prahladajecca ź jaje, zaŭvažyŭ telehram-kanał «Spadčyna».
Na ścienach dota nieviadomyja mastaki nanieśli patryjatyčnaje hrafici z čyrvona-zialonym dziaržaŭnym ściaham i ruskamoŭnym nadpisam «Mołodosť, junosť, jedinstvo» (Maładość, junactva, adzinstva). Adnak samaj prykmietnaj detallu stali niekalki Z-simvałaŭ, jakija tryvała asacyjujucca z rasijskim uvarvańniem va Ukrainu.
Hety daŭhačasny ahniavy punkt byŭ pabudavany palakami ŭ 1937—1939 hadach jak častka Baranavickaha ŭmacavanaha rajona, u sistemie ŭmacavańniaŭ na adrezku Darava-Łabuzy (№ 10), uzdoŭž levaha bieraha Ščary. Hałoŭnaja meta hetaj linii abarony — strymlivańnie mahčymaha nastupu Čyrvonaj Armii z uschodu.
Niahledziačy na heta, dot užo traplaŭ u skandał, kali jaho pačali vykarystoŭvać dla prapahandy «Vialikaj pieramohi».
Viasnoj 2024 hoda na ścianie dota, pryznačanaha dla adporu savieckim vojskam, niechta bujnymi litarami vyvieŭ «1941—1945», namalavaŭ piacikancovuju zorku i hieorhijeŭskuju stužku. Paśla zvarotaŭ aburanych hramadzian miascovyja ŭłady byli vymušanyja pryznać «histaryčnuju niedakładnaść». Tahačasny hałoŭny ideołah rajona Volha Burak paabiacała prybrać nadpisy, spasłaŭšysia na tvorčaść «niavyznačanych asob».
Polski dot pry darozie Baranavičy-Lachavičy, na ścianie jakoha ŭ 2024 hodzie vyviedzienyja ličby «1941—1945», piacikancovaja zorka i hieorhijeŭskaja stužka. Skrynšot videa «Biełaruś 4»
Na śviežych fotazdymkach vyrazna paznajucca tyja ž samyja charakternyja ščarbiny na bietonie, a taksama prahladajucca plamy farby — mienavita na tych miescach, dzie raniej raźmiaščalisia papiarednija ideałahičnyja nadpisy.
Jak bačym, nadpisy sapraŭdy zafarbavali. Adnak žadańnie pieratvaryć polskuju vajskovuju spadčynu ŭ ideałahičny biłbord pry aŭtatrasie nikudy nie źnikła. Ciapier histaryčny abjekt, pabudavany dla abarony ad Maskvy, upryhožany simvałami sučasnaha rasijskaha militaryzmu.
«Naša Niva» — bastyjon biełaruščyny
PADTRYMAĆCiapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»3
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5959
Kamientary