Niezvyčajnaje kafe adčyniłasia ŭ Minsku. U im treba samomu zaparvać sabie «rołtan»
Kancepcyja spačatku moža padacca dziŭnaj.
U Minsku pačała pracavać novaja ŭstanova Nodl, dzie naviedvalnikam prapanujuć samastojna zavaryć nabytuju tut ža łokšynu chutkaha pryhatavańnia, piša Onliner.by.
Kancepcyja spačatku moža padacca dziŭnaj: prychodzić u kafe dziela «rołtanu», dy jašče i samomu jaho hatavać? Ale naohuł heta davoli papularny farmat ramiennych i kramaŭ-kambini ŭ Azii, tamu, vierahodna, minskaja łokšynnaja taksama znojdzie pastajannych klijentaŭ siarod prychilnikaŭ kiej-pop-muzyki i anime.
Schiema prostaja: hość vybiraje łokšynu i dabaŭki da jaje — jość syr, jajka, biekon i inšyja inhredyjenty.
Apłačvajecie i idziacie hatavać. Łokšyna zavarvajecca kipieniem u śpiecyjalnaj «łokšynavarcy». Hatovuju łokšynu možna źjeści na miescy abo zabrać z saboj.
Vybar łokšyny davoli šyroki, akramia jaje ŭ mieniu jość rysavyja pałački, sendvičy, anihiry, azijackija prysmaki i napoi.
Dakładnych koštaŭ u sacyjalnych sietkach ustanovy pakul niama, dy i vynikovy košt mocna zaležyć ad kolkaści dadadzienych topinhaŭ. Miarkujučy pa vodhukach pieršych naviedvalnikaŭ, łokšyna kaštuje ad 5,90 da 18 rubloŭ, napoi — ad 7,20 da 13,20 rubla.
Nodl znachodzicca pa adrasie: Michajłaŭski zavułak, 4. Ciapier ustanova pracuje ŭ testavym režymie, tamu naviedvalnikam abiacajuć źnižku 10%.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary