Kali ciažarnaja žančyna chvareje na kavid, virus upłyvaje nie tolki na jaje zdaroŭje, ale i na arhanizm budučaha dziciaci. Što viadoma navucy na hetuju temu? My sabrali važnyja fakty pra kavid i ciažarnaść.
Ciažarnyja žančyny ryzykujuć zachvareć na kavid nie bolš, čym inšyja ludzi.
Adnak sama chvaroba ŭ takoj žančyny moža praciakać bolš ciažka.
Navukoŭcy ličać, što sprava ŭ imunnaj sistemie, jakaja padčas ciažarnaści pracuje pa-inšamu. Hetyja źmieny robiać arhanizm žančyny bolš uraźlivym da virusaŭ, što pieradajucca praz pavietra.
Ciažarnyja, što chvarejuć na kavid, čaściej traplajuć u špital i ŭ adździaleńnie reanimacyi, čym inšyja žančyny.
Tyja ź ich, chto maje chraničnyja chvaroby nakštałt dyjabietu, taksama mohuć mieć pavyšanuju ryzyku ciažkaj formy kavidu.
Zhodna ź niekatorymi daśledavańniami, ciažarnyja žančyny, što chvarejuć na kavid, taksama čaściej naradžajuć dzicia zaŭčasna.
Padčas ich rodaŭ čaściej vykarystoŭvajuć kiesarava siačeńnie, a novanarodžanyja dzieci z bolšaj vierahodnaściu traplajuć pad asablivy kantrol miedykaŭ-nieanatołahaŭ. Niama pryznakaŭ, što kavid u ciažarnych sam pa sabie pryvodzić da vykidyšaŭ ci što jon niejak upłyvaje na raźvićcio płoda. Adnak vysokaja temppieratura padčas ciažarnaści, asabliva padčas pieršaha trymiestru, sapraŭdy moža paškodzić płodu.
Biełaruski Minzdraŭ udakładniaje, što zaraz u ciažarnych žančyn kavid moža raźvivacca vielmi chutka, i časam ad prajaŭleńnia simptomaŭ chvaroby da mocnaha paharšeńnia stanu moža prajści niekalki hadzin.
Tamu ciažarnym žančynam važna vykonvać usie miery prafiłaktyki, što mohuć abaranić ich ad chvaroby na kavid. Razmova idzie, pierš za ŭsio, pra toje, kab nasić maski i rehularna myć ruki. Rekamiendujecca taksama ŭstrymlivacca ad kantaktaŭ z usimi, chto maje paćvierdžany kavid abo simptomy chvaroby, i zachoŭvać sacyjalnuju dystancyju ŭ 1,5 mietraŭ ź inšymi ludźmi. Asabliva miery pieraściarohi datyčacca žančyn padčas treciaha trymiestru ciažarnaści, to bok paśla 28 tydniaŭ.
Možna taksama atrymać supraćkavidnuju pryščepku — u Biełarusi dla hetaj katehoryi pacyjentak praduhledžanaja vakcynacyja kitajskim preparatam Sinopharm. Što datyčycca zamiežnaj praktyki, tam u vakcynacyi ciažarnych addajuć pieravahu preparatam Pfizer i Moderna. Na siońnia pieršuju dozu pryščepki atrymali ŭžo bolš za 400 ciažarnych biełarusak. Mahčyma, što antycieły, što vypracoŭvajucca ŭ arhaniźmie ciažarnaj paśla pryščepki, zdolnyja abaranić ad kavidu i jaje dzicia.
Niama danych pra toje, što virus kavidu moža pieradavacca niemaŭlatam ad maci praz hrudnoje małako. Adnak jość vierahodnaść, što maci moža pieradać virus praz dychańnie padčas karmleńnia dziciaci. Tamu miedyki rekamiendujuć maci, u jakich paćvierdžany kavid, myć ruki pierad karmleńniem hrudziami i nasić padčas karmleńnia masku. Takija žančyny, jak i ciažarnyja, mohuć pryščapicca ad kavidu.
Pakinuli dla rasijan i ciažarnych? Čamu niemahčyma znajści kitajskuju vakcynu
Jak vybrać pulsaksimietr i pravilna im karystacca doma? Raskazvaje doktar
-
U Minsku miedyki zrabili ŭnikalnuju apieracyju: pacyjentu pierasadzili jaho ŭłasnuju kostku razam z sasudami
-
«U nas mizernaja kolkaść tych, chto biare svabodnyja dypłomy». Čynoŭnica Minzdaroŭja prakamientavała admienu płatnaha navučańnia ŭ miedycynskich VNU
-
Biełaruska ŭ 29 hadoŭ pieražyła išemičny insult
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary