Alaksandr Łukašenka i kancler Niamieččyny Anhieła Mierkiel parazmaŭlali pa telefonie, paviedamiŭ telehram-kanał «Puł pieršaha».
Razmova doŭžyłasia kala 50-ci chvilin, zaznačajecca ŭ paviedamleńni.
Padčas razmovy byŭ abmierkavany šerah prablem, i pierš za ŭsio situacyja ź biežancami na biełaruska-polskaj, biełaruska-litoŭskaj i biełaruska-łatvijskaj miežach. Padrabiazna ŭ razmovie byli zakranuty šlachi i pierśpiektyvy vyrašeńnia mihracyjnaj prablemy z metaj niedapuščeńnia eskałacyi situacyi na miažy, humanitarnaja padtrymka biežancaŭ praz akazańnie im humanitarnaj dapamohi.
Łukašenka i Mierkiel damovilisia ab dalejšych kantaktach z metaj vyrašeńnia situacyi.
Siońnia taksama adbyłasia telefonnaja razmova kiraŭnikoŭ Francyi i Rasii Emanuela Makrona i Uładzimira Pucina, jakija abmierkavali mihrancki kryzis na biełaruska-polskaj miažy.
«Zakranuta situacyja, jakaja skłałasia na miažy Biełarusi z krainami Jeŭrasajuza. Prezident Rasii pryciahnuŭ uvahu, u pryvatnaści, da vielmi žorstkaha abychodžańnia polskich pamiežnikaŭ ź biežancami», - havorycca ŭ paviedamleńni pres-słužby Kramla.
«Prainfarmavaŭšy ab svaich kantaktach pa mihracyjnym kryzisie z Alaksandram Łukašenkam, Uładzimir Pucin padkreśliŭ metazhodnaść abmierkavańnia ŭźnikłych prablem naŭprost pamiž kiraŭnictvam krain ES i Biełarusi», - paviedamlaje pres-słužba Kramla.
Jak mihracyjny kryzis u Biełarusi błytaje karty francuzskim palitykam
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja9
Kamientary