Hety hod dla puciepravoda nad vulicaj Niamiha, jaki łučyć vulicu Lenina z praśpiektam Pieramožcaŭ, mieŭsia stać jubilejnym. U 2022-m jamu spoŭniłasia b 60 hadoŭ. Ale da jubileju kanstrukcyja nie dažyvie: minułaj nočču častka mosta abrynułasia, i jaho ŭ najbližejšy čas demantujuć, kab zbudavać novy.
Pabudavali hety puciepravod u 1962 hodzie. Tady jakraz pačała stvaracca vulica Parkavaja mahistral, praduhledžanaja jašče hienieralnym płanam raźvićcia Minska 1946 hoda. U 1980-m Parkavaja mahistral stała praśpiektam Mašerava, a z 2005-ha heta praśpiekt Pieramožcaŭ.
Ułasna, z hetaha mosta, jaki musiŭ złučać novy vialiki praśpiekt sa starym centram horada, siońniašni praśpiekt Pieramožcaŭ i pačynajecca. Dla jaho praviadzieńnia ŭ 1950-ja, jak viadoma, daviałosia faktyčna źniščyć minskaje Zamčyšča, pierarezaŭšy jaho napałam i zrezaŭšy pahorak.
Nieabchodnaść u hetym miescy puciepravoda tłumačyłasia niaroŭnaściu reljefa. U tyja časy ŭ hetym rajonie isnavała nievialičkaja vulica Školnaja (nazvanaja tak, vidać, tamu, što tut raźmiaščaŭsia jaŭrejski chieder), jakaja mieła nadta kruty nachił. Na jaje miescy ciapier padjom kala puciepravoda pa schodach na vulicu Lenina. Dla transpartnych płyniaŭ taki pierapad byŭ vielmi niazručny, tamu jaho i vyraŭnavali pry dapamozie mosta.
Niejkich asabliva vialikich prablem z ekspłuatacyjaj mosta ciaham dziesiacihodździaŭ nie adznačałasia, choć časam jaho, naturalna, stavili na ramont. Apošni raz ramontnyja raboty na hetym abjekcie pravodzilisia viasnoj-vosieńniu 2017 hoda. Tady nieabchodnaść kapitalnaha ramontu tłumačyli «fizičnym znosam kanstrukcyj i niepryvabnym źniešnim vyhladam abjekta».
Dyrektar DPA «Harramaŭtadar Minharvykankama» (arhanizacyja, jakaja absłuhoŭvaje siarod inšaha bolš za sotniu mastavych abjektaŭ u Minsku) Dzianis Hlinski siońnia kvalifikuje toj ramont jak kaśmietyčny: «Mianiali pakryćcio tratuaraŭ i aharadžalnych kanstrukcyj, a taksama hranitnuju ablicoŭku tumbaŭ». Košt ramontu skłaŭ kala 3 miljonaŭ rubloŭ, niepasredna raboty vykonvaŭ budaŭničy trest № 7.
Pierad hetym ramont puciepravoda rabiŭsia ŭ 2004 hodzie.
Naprykancy 2020 hoda «Harramaŭtador» kanstatavaŭ, što kapitalnaha ramontu patrabujuć 27 minskich mastoŭ i puciepravodaŭ, puciepravod na Niamizie siarod ich nie nazyvaŭsia.
U sakaviku 2021-ha jaho abśledavała profilnaja arhanizacyja na prydatnaść da ekspłuatacyi. Pa vynikach abśledavańnia byŭ vydadzieny adpaviedny dazvoł. Dzianis Hlinski siońnia zapeŭniŭ, što adnosna vyniesienaha tady ekśpiertnaha zaklučeńnia ciapier praviaduć admysłovuju pravierku.
«Hety most nie ŭvachodziŭ u top prablemnych»
U centry Minska z-za zdareńnia na Niamizie istotna abmiežavany, a to i admienieny ruch transpartu
Vidavočca zdareńnia na Niamizie: Most rezka pačaŭ padać pierad nami
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary