Ministr antymanapolnaha rehulavańnia i handlu Alaksiej Bahdanaŭ i pradstaŭniki 16 bujnych handlovych sietak padpisali siońnia pahadnieńnie ab źnižkach na sacyjalna značnyja tavary dla ŭraźlivych katehoryj nasielnictva. Źnižka składzie 10%.
«Upieršyniu realizujem padobnaje pahadnieńnie, heta ahulny padychod dziaržavy i biznesu pa padtrymcy ŭraźlivych katehoryj nasielnictva.
Za apošni čas pradukty charčavańnia vyraśli ŭ canie, situacyja ŭ studzieni pakazvaje, što košt sielhaspradukcyi i praduktaŭ charčavańnia praciahvaje raści. Faktaraŭ šmat. Nasielnictvu treba dapamahać spraŭlacca z hetym,
tamu vyrašyli, što na sacyjalna značnyja tavary ŭraźlivym katehoryjam nasielnictva budzie pradastaŭlenaja 10-pracentnaja źnižka», — cytuje Bahdanava BiełTA.
Siarod handlovych sietak, jakija padpisali pahadnieńnie, — «Santa Rytejł», «Jeŭrahandal», «Dabranom» («Kapieječka», «Majak»), «Vitalur», «Biełmarkietkompani»,«Biełvilesden» («Hipa»).
Płanujecca, što śpis kram budzie pašyracca.
Chto mienavita budzie mieć prava na źnižku, jak jana budzie pradastaŭlacca, na padstavie čaho, pakul nie paviedamlajecca.
Nahadajem, što z 15 śniežnia 2021 hoda rehulavańnie cen raspaŭsiudžvajecca na 29 pazicyj sacyjalna značnych tavaraŭ (siarod ich muka, piarłoŭka, chleb, jałavičyna, śvinina, kury, małako, kiefir, śmiatana, tvaroh, niekatoraja sadavina i harodnina, cukar i inš.), a taksama 50 pazicyj lekaŭ.
MARH praciahnuŭ rehulavańnie cen na sacyjalna značnyja tavary na pieršyja try miesiacy 2022 hoda.
«Robinhudy zapavolać inflacyju dla biednych, ale razhoniać dla astatnich». Rytejł kamientuje inicyjatyvu MARH ab źnižkach
Saŭminu znoŭ daručyli strymlivać ceny i pavysić dachody ludziej. Ci mahčyma heta
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak11
Kamientary