Redaktara baranavickaha vydańnia Intex-Press pakarali štrafam za raspaŭsiudžvańnie ekstremisckich materyjałaŭ
Uładzimira Janukieviča aštrafavali na padstavie č. 2 art. 19.11 KaAP za «raspaŭsiudžvańnie infarmacyjnaj pradukcyi, što ŭklučanaja ŭ respublikanski śpis ekstremisckich materyjałaŭ, a taksama vyrab, vydańnie, zachoŭvańnie abo pieravozku z metaj raspaŭsiuddžvańnia takoj infarmacyjnaj pradukcyi».
Administracyjnaja sprava razhladałasia 18 studzienia ŭ sudzie Baranavickaha rajona i Baranavičaŭ, paviedamlaje BAŽ.
Jak patłumačyŭ Uładzimir Janukievič, sprava tyčycca nie vydańnia Intex-Press, a inšaha pradpryjemstva — PUP «Centr Ruń», jakoje zajmajecca rekłamaj.
«Ja źjaŭlajusia dyrektaram i ŭ im, i ŭ TAA «Vydavieci dom «Inteks-pres», — raspavioŭ Uładzimir Janukievič. — Kali padčas pieratrusu z hetych pradpryjemstvaŭ zabrali techniku, to ŭ adnym płanšecie znajšli nibyta zabaronienuju infarmacyju».
U vyniku Uładzimira Janukieviča pryciahnuli da adkaznaści jak fizičnuju asobu, chacia pavodle materyjałaŭ spravy, jon prachodziŭ jak dyrektar PUP «Centr Ruń».
Takim čynam, Uładzimir Janukievič pakarany štrafam pamieram 20 bazavych vieličyń: ciapier heta składaje 640 rubloŭ. Akramia taho, pavodle rašeńnia suda, na karyść dziaržavy byŭ kanfiskavany płanšet.
Redaktar baranavickaha vydańnia kaža, što abskardžvać rašeńnie rajsuda jon nie źbirajecca. «U sučasnych umovach heta prosta vykinutyja srodki. A nam trebna ŭtrymać redakcyju, na jakuju praciahvajecca cisk», — adznačaje Uładzimir Janukievič.
Nahadajem, naprykancy 2021 hoda Ministerstva infarmacyi abmiežavała dostup da sajta baranavickaha vydańnia Intex-Press. U zahadzie ministra Uładzimira Piarcova, paviedamlałasia, što pryčynaj błakiroŭki byli «parušeńni zakanadaŭstva ab srodkach masavaj infarmacyi ŭ častcy raźmiaščeńnia infarmacyi, raspaŭsiudžvańnie jakoj zabaronienaje».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary