Piotra Rudkoŭski: U Biełarusi armija vialikaja ŭ kolkasnym płanie, ale pry hetym samaja biednaja paśla małdaŭskaj
Akademičny dyrektar BISS Piotra Rudkoŭski prakamientavaŭ u siabie ŭ Fejsbuku infahrafiku Mižnarodnaha dyskusijnaha kłuba «Vałdaj» sa źviestkami ab vajskovych vydatkach i kolkaści vojskaŭ u krainach byłoha SSSR.
U Biełarusi armija vialikaja ŭ kolkasnym płanie, ale pry hetym samaja biednaja paśla małdaŭskaj. Heta dobra vidać ź infahrafiki Vałdaja, — piša Rudkoŭski.
Najbolš infarmatyŭnaje tut supastaŭleńnie zialonaha kružočka i čałaviečka. Kali čałaviečak i kružočak blizkija pa pamierach, to značyć, armija dobra finansujecca: chapaje i na charošyja zarpłaty, i na pastajannuju madernizacyju armii. A pastajannaja madernizacyja — heta i prestyž, i matyvacyja, i efiektyŭnaść.
Kali čałaviečak hihant, a kružočak maleńki — značyć, finansavańnie armii žabračaje. Zarpłaty mizernyja, lubaja navat drobnaja madernizacyja — heta epachalnaja padzieja. Nijakaha prestyžu, słabaja matyvacyja, słabaja efiektyŭnaść.
U dapratesnuju epochu «Vojenno-političieskoje obozrienije», nieaficyjny sajt biełaruskich vajskoŭcaŭ, ad dušy narakaŭ na žabrackaje finansavańnie biełaruskaj armii. Nie biez zajzdraści fiksavalisia doŭhaterminovyja płany ŭ susiednich krainach pa pavieličeńni finansavańnia.
«Na protiažienii poślednich počti 30 let Vooružiennyje siły Biełarusi žili praktičieski na hołodnom pajkie, — pisała «Obozrienije» pad kaniec 2019 hoda. — To, čto pri niedostatočnom finansirovanii biełorusskaja armija očień aktivno viediet učienija i sčitajetsia odnoj iz naiboleje bojesposobnych i podhotovlennych v Vostočnoj Jevropie, nie možiet prodołžaťsia dołho pri takom količiestvie vydielajemych dieniežnych sriedstv».
Ciapier BiełVPO takoha nie piša. Zacisnuŭšy zuby, maŭčać aficery pra toje, jak ich traktuje režym. Ale što siadzić u dušy, možna zdahadacca.
Čytajcie taksama:
Vydatki na vojska ŭ Biełarusi — usiaho pa 89 dalaraŭ z čałavieka. A ŭ Estonii — pa 529
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dejkała3
Kamientary