Chaj choć śvińni zažyvuć pa-jeŭrapiejsku!
Łukašenka abviaściŭ pierabudovu. Pakul što ŭ śvinahadoŭli. Piša ŭ svaim błohu na NN Alaksandr Kłaskoŭski.
Łukašenka abviaściŭ pierabudovu i navat revalucyju ŭ śvinahadoŭli. Pra heta zajaŭlena 7 žniŭnia ŭ Lachavickim rajonie.
«U śvinahadoŭli z vašaj haspadarki pačynajecca revalucyja. My vybrali hałandskija i dackija technałohii ŭ jakaści ŭzoru, pavodle jakoha budziem pierabudoŭvać usiu śvinahadoŭlu Biełarusi», — paviedamiŭ hałoŭny načalnik dyrektarcy ahrapradpryjemstva «Biełdan».
Taksama abiacana, što da 1 studzienia 2010 hoda całkam na jeŭrapiejskija normy vyjdzie budaŭničaja halina. Karaciej, «z 2011 hoda, ja upeŭnieny, my budziem žyć, jak u Jeŭropie, padciahnuŭšy i inšyja napramki».
Niaciažka zdahadacca, što havorka idzie vyklučna pra haliny ekanomiki. Tut kiraŭnictva krainy vidavočna saśpieła da vysnovy, što «voś uzor... ničoha prydumlać nie treba, my ŭžo biarom hatovyja technałohii. Siońnia ich treba vyciahvać ź Jeŭropy».
Zaŭvažcie: kali datyčna zamiežnaj palityki niadaŭna abvieščana, što my, maŭlaŭ, nie budziem rabić vybar miž Rasijaj i ES, to ŭ halinie technałohij alternatyvy niama.
U śvinahadoŭli, jak bačym, zahadana biez rozdumu brać hałandskija i dackija ŭzory. Budaŭniki taksama musiać aryjentavacca na zachodnija standarty.
Naviersie vydatna razumiejuć, što Rasija nas nie madernizuje. Ź joj zastajecca chiba vajavać za rynak zbytu pieravažna sastarełaha tavaru.
Što ž, nastroj na haspadarčuju madernizacyju, kali adkidajecca ŭsialakaja ideałahičnaja łuchta, možna tolki vitać.
Ale zhadvajecca niadaŭni vystup Łukašenki pierad kiraŭnikami dypmisij, kali jon impetna davodziŭ, nakolki škodna ŭkaraniać u nas zachodnija ŭzory demakratyi. Maŭlaŭ, «važnaja dy patrebnaja nie vonkavaja “demakratyčnaja” abałonka. I tym bolej nie pryviezienaja i nie nakinutaja zvonku. Takaja śpiecham pryvitaja demakratyja niaŭstojlivaja…». Jašče bolej, «takija “mičurynskija” praktykavańni robiać ciažkapapraŭnuju škodu krainie, ekanomicy i, u rešcie rešt, narodu».
Karaciej, u śvinahadoŭli technałohii krain ES — samaje toje, a voś u palitycy — horaj za śviny hryp.
Mo chto patłumačyć uciamna: čamu tutejšym śvińniam jeŭrastandarty pasujuć, a voś tutejšamu ludu — škodnyja?
Kali ž surjozna, to vialikaje pytańnie, nakolki zapracujuć tyja supier-pupiertechnałohii, kali vioska śpiłasia, a načalstva viedaje tolki maciuki dy puhu.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6565
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie65
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary