Školnikam dazvolili rabić da troch vypraŭleńniaŭ u piśmovych rabotach
Ministerstva adukacyi Biełarusi ŭniesła źmieny ŭ praviły acenki piśmovych rabot školnikaŭ pa biełaruskaj i ruskaj movach, piša BiełTA.
Raniej lubyja vypraŭleńni, jakija rabiŭ vučań, aŭtamatyčna ŭpłyvali na adznaku — jaje źnižali. Ciapier pa novych normach (pastanova Ministerstva adukacyi №43 ad 21 lutaha 2026 hoda) dazvalajecca zrabić da troch vypraŭleńniaŭ bieź źnižeńnia adznaki. Kali vučań robić try i bolš vypraŭleńniaŭ u kantrolnych abo tematyčnych samastojnych rabotach, usie jany ličacca za adnu pamyłku.
Acenka pa hetych pradmietach vystaŭlajecca z ulikam arfahrafičnych i punktuacyjnych pamyłak: u napisańni słoŭ, pastanoŭcy znakaŭ prypynku, utvareńni formaŭ słoŭ i budovie skazaŭ i słovazłučeńniaŭ. Hałoŭnaja meta źmien — stvaryć umovy, u jakich vučni buduć adčuvać siabie ŭpeŭniena i nie bajacca dapuskać pamyłki.
Novyja normy ŭvajšli ŭ dziejańnie z 1 vieraśnia 2025 hoda i raspaŭsiudžvajucca na ŭsie kantrolnyja i tematyčnyja samastojnyja raboty pa biełaruskaj i ruskaj movach. Pry hetym u inšych pradmietach źnižeńnie adznaki za vypraŭleńni vučnia nie praduhledžanaje.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»14
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary