Pryščepka ad kavidu? Navukoŭcy voś-voś raspracujuć niešta lepšaje
Farmkampanii va ŭsim śviecie raspracoŭvajuć nazalnyja vakcyny suprać kavidu — u formie spreju. Pryščepki ŭ takim farmacie mohuć prajavić siabie lepš za tradycyjnyja bustary, bo jany zdolejuć spyniać virus užo ŭ dychalnych šlachach.
Vakcyny, jakija ŭžo isnujuć, dazvalajuć stvaryć mocny i praciahły imunitet suprać ciažkaha ciačeńnia kavidu. Ale ž ich abarona ad virusa maje časovy charaktar i moža źnižacca, kali źjaŭlajucca novyja štamy kavidu, piša New York Times.
Nazalnyja vakcyny mohuć lepiej abaraniać ad infiekcyi ŭ doŭhačasovaj pierśpiektyvie, bo jany stvarajuć abaronu mienavita tam, dzie ŭ arhanizm pranikaje virus kavidu — na ślizistych abałonkach dychalnych šlachoŭ. A vakcynavać ludziej sprejem było b chutčej, čym pryščaplać ich injekcyjami. Treba čas, kab padrychtavać usio naležnaje dla ŭkołaŭ, i daśviedčany piersanał, jaki b viedaŭ, jak hetyja ŭkoły rabić.
Što da nazalnych vakcynaŭ, ich možna ŭvodzić ludziam, jakija ciažka pieranosiać balučyja ŭkoły, naprykład, małym dzieciam. Takija pryščepki taksama dazvalajuć nie tracić hrošy na šprycy, ihołki i inšyja materyjały, patrebnyja dla injekcyj.
U śviecie zaraz raspracoŭvajuć bolš za dziesiać nazalnych vakcyn. Mahčyma, niekatoryja ź ich chutka buduć uchvalonyja, i pieršaj z takich pryščepak moža akazacca indyjski preparat kampanii Bharat Biotech. U studzieni kampanija atrymała prava na šyrokamaštabnyja vyprabavańni vakcyny ŭ Indyi. Preparat razhladajuć jak bustarny dla tych pacyjentaŭ, chto ŭžo atrymaŭ dźvie dozy supraćkavidnaj pryščepki.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary