Zialenski zapatrabavaŭ vykanać Budapiešcki miemarandum, inakš Ukraina ź jaho vyjdzie
Vystupajučy na Miunchienskaj kanfierencyi pa biaśpiecy, prezident Ukrainy Uładzimir Zialenski abviaściŭ, što inicyjuje pieramovy pamiž udzielnikami Budapiešckaha miemarandumu ab pradastaŭleńni Ukrainie harantyj biaśpieki.
«Za admovu ad treciaha ŭ śviecie jadziernaha patencyjału Ukraina atrymała harantyi biaśpieki. U nas niama hetaj zbroi, u nas taksama niama biaśpieki. Niama častki našaj dziaržavy, darečy, bolšaj za Šviejcaryju, Niderłandy ci Bielhiju, a hałoŭnaje, niama miljonaŭ našych hramadzian, jakija zjaŭlajucca hramadzianami Ukrainy.
Značyć, niešta jość. Jość prava! Prava patrabavać pierachodu ad palityki zamireńnia da biaśpieki i miru.
Z 2014 hoda Ukraina trojčy sprabavała sklikać kansultacyi ź dziaržavami ‒ harantami Budapiešckaha miemarandumu. Trojčy, i biezvynikova. Siońnia Ukraina zrobić heta ŭ čaćviorty raz.
Ja inicyjuju kansultacyi ŭ ramkach Budapiešckaha miemarandumu.
Ministru zamiežnych spraŭ daručana ich sklikać, i kali jany nie adbuducca paŭtorna, abo kali nie budzie harantyj biaśpieki našaj krainie, Ukraina budzie mieć poŭnaje prava mierkavać, što Budapiešcki miemarandum nie pracuje, i ŭsie pakietnyja rašeńni 1994 hoda pastaŭlenyja pad sumnieŭ», — skazaŭ Zialenski.
Prezident patrabavaŭ dać Ukrainie pierśpiektyvu ŭstupleńnia ŭ ES i NATO.
«Kab realna dapamahčy Ukrainie, nie treba ŭvieś čas havaryć pra daty mahčymaha ŭvarvańnia. My budziem abaraniać svaju ziamlu 16 lutaha, 1 sakavika i 31 śniežnia. Nam patrebnyja inšyja daty značna bolš», — skazaŭ jon.
Zialenski čakaje ad Zachadu rašeńniaŭ, jakija nabliziać Ukrainu da daty ŭstupleńnia ŭ Jeŭrasajuz i NATO.
«Vosiem hadoŭ tamu ŭkraincy zrabili svoj vybar, mnohija addali za heta žyćcio. Niaŭžo praz vosiem hadoŭ Ukraina pavinna pastajanna zaklikać da pryznańnia jeŭrapiejskaj pierśpiektyvy?» — zadaŭ jon pytańnie.
Zialenski nahadaŭ, što Rasijskaja Fiederacyja sprabuje spynić ruch Ukrainy ŭ ES svajoj ahresijaj, i sastupki joj niedapuščalnyja.
«Z 2014 hoda Rasija pierakonvaje nas, što my vybrali niapravilny šlach, što nas u Jeŭropie nichto nie čakaje. Ci nie pavinna Jeŭropa pastajanna havaryć i dakazvać dziejańniami, što heta niapraŭda? Čamu my paźbiahajem hetaha pytańnia? Chiba Ukraina nie zasłuhoŭvaje pramych i sumlennych adkazaŭ?» — skazaŭ jon.
Padrychtoŭka da napadu na Ukrainu. Što adbyvajecca 19 lutaha. Anłajn
Kryłatyja rakiety z «Iskanderaŭ». Voś čamu Ukraina nie vytrymała b poŭnamaštabnaj vajny z Rasijaj i Biełaruśsiu
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary