Rasijski telekanał «Dožd́» prypyniaje pracu. Pra heta paviedamiła hiendyrektarka telekanała Natalla Sindziejeva.
Pavodle jaje słoŭ, va ŭmovach budučaha pryniaćcia zakona ab pakarańni za «fejki» ab dziejańniach rasijskich vajennych praca «Doždia» budzie praktyčna niemahčymaja.
«Nam patrebnyja siły i čas, kab vydychnuć, kab zrazumieć, jak pracavać dalej», — skazała Sindziejeva ŭ efiry telekanała.
«My vielmi spadziajemsia, što my vierniemsia ŭ efir i praciahniem pracu», — adznačyła hiendyrektarka.
1 sakavika Hienprakuratura Rasii zapatrabavała zabłakavać sajt «Doždia» za raspaŭsiudžvańnie nibyta niedakładnych źviestak ab rasijskaj «śpiecapieracyi» va Ukrainie.
Siońnia, 3 sakavika, bolšaściu hałasoŭ Savieta dyrektaraŭ było pryniataje rašeńnie ab likvidacyi radyjokanała i sajta «Recha Maskvy», jakaja ŭvachodzić u chołdynh «Hazprom-miedyja».
Kamientary