Pačali sudzić eks-prakurora Jaŭhiena Babaka: toj iranizuje, što pryjšłosia b vajavać, tamu lepš pakul pasiadzieć
Siońnia ŭ Minskim haradskim sudzie pačaŭsia sud nad palitviaźniem, byłym pamočnikam prakurora Pieršamajskaha rajona stalicy Jaŭhienam Babakom. Jon abvinavačvajecca pa č. 1 art. 342 (hrupavyja dziejańni, jakija parušajuć hramadski paradak) i č. 1 art. 130 (raspalvańnie varožaści).
Sudździa — Valancina Zieńkievič. Abvinavaŭca na sudzie — sumnaviadomaja Alina Kaśjančyk.
Kaśjančyk zajaviła chadajnictva zrabić pasiadžeńnie zakrytym, bo ŭ materyjałach spravy majecca infarmacyja z «ekstremisckich» telehram-kanałaŭ.
Pierad zakryćciom pracesu Jaŭhien paśpieŭ pacikavicca kursam rubla i pairanizavać, što niezadoŭha da zatrymańnia płanavaŭ pierajechać u Kijeŭ. Tamu ciapier ličyć, što pakul možna i pasiadzieć, bo inačaj daviałosia b vajavać.
Čytajcie taksama: Jaŭhien Babak: Na cud nie spadziavajciesia, mnie jašče siadzieć doŭha
Babak staŭ viadomy tym, što ŭ žniŭni 2020-ha inicyjavaŭ pravierku ludziej u formie DAI, jakija źbili bajkieraŭ va Uruččy nočču 11 žniŭnia. Praviercy, adnak, nie dali chod, a samoha Babaka prymusili zvolnicca.
10 červienia 2021 hoda kvateru Babaka razhramili, a jaho aryštavali. Spačatku na sutki, a potym i pa kryminalnym artykule.
Jaŭhien pieradaje pryvitańnie ŭsim, chto jaho padtrymlivaje, kaža, što ŭ jaho ŭsiaho chapaje, a kali jość žadańnie achviaravać jamu, to lepš nakiravać hetyja srodki na dapamohu dzieciam z prahramy UNIHELP. Rekłamu z prośbaj padtrymki ad siemjaŭ jon časta bačyć pa televizary ŭ kamiery.
-
U Polščy pačaŭsia sud nad bandaj padpalščykaŭ i handlaroŭ zbrojaj, jakich najmali rasijskija śpiecsłužby. Siarod abvinavačanych troje biełarusaŭ
-
U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
-
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary