Łatuška zaklikaŭ pryznać Biełaruś terytoryjaj, časova akupavanaj Rasijaj
Narodnaje antykryzisnaje ŭpraŭleńnie vydała zajavu, u jakoj śćviardžaje, što Biełaruś akupavanaja Rasijskaj Fiederacyjaj i zaklikaje mižnarodnuju supolnaść zychodzić z hetaha fakta. Zajavu ahučyŭ u videazvarocie staršynia NAU Pavieł Łatuška.
U zajavie kanstatujecca, što «Respublika Biełaruś źjaŭlajecca časova akupavanaj terytoryjaj, Rasijskaja Fiederacyja — krainaj-akupantam, a režym Łukašenki — maryjanietkavym uradam».
Sajuźniki pa demakratyčnym ruchu zaklikajucca padtrymać hetuju pazicyju, a zamiežnyja partniory — dać adpaviednuju mižnarodna-pravavuju acenku situacyi, jakaja skłałasia.
Pavodle zajavy, u vyniku šyrokaha pryznańnia na mižnarodnaj arenie faktu akupacyi Biełarusi Rasijskaj Fiederacyjaj stanie mahčymym efiektyŭnaje prasoŭvańnie pryncypovych dla Biełarusi i jaje budučyni pytańniaŭ:
1) Ab zachavańni terytaryjalnaj cełasnaści i niezaležnaści Biełarusi. U takim vypadku mahčymyja dziejańni akupantaŭ, pryznanych takimi, pa źmienie jurydyčnaha statusu akupavanaj terytoryi nie buduć mieć nijakaj siły z punktu hledžańnia mižnarodnaha prava.
2) Ab praduchileńni raźmiaščeńnia na terytoryi Biełarusi rasijskaj jadziernaj zbroi i stvareńnia pahroz rehijanalnaj biaśpiecy.
3) Ab acency luboj aktyŭnaści hramadzian Biełarusi pa supraćstajańni režymu Łukašenki i rasiejskaj akupacyi jak dziejańniaŭ, jakija ździajśniajucca ŭ ramkach nacyjanalna-vyzvolnaha ruchu pa abaronie suvierenitetu i niezaležnaści našaj krainy.
4) Ab pazbaŭleńni maryjanietkavaha ŭrada Łukašenki mižnarodna-pravavoj subjektnaści i ab prypynieńni členstva Biełarusi ŭ mižnarodnych arhanizacyjach da spynieńnia akupacyi i demakratyčnaha farmiravańnia novaha ŭrada.
5) Ab sinchranizacyi sankcyj u dačynieńni da Rasii i Biełarusi jak akupavanaj terytoryi i likvidacyi mahčymaściaŭ dla Rasii, kab abychodzić sankcyi praź Biełaruś i vykarystańni jaje jak afšornaj zony.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki38
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary