U Mikałajevie paśla ŭdaru pa abłasnoj administracyi šukajuć kiraŭnicu biełaruskaj supołki. Jana moža być pad zavałami
«Naša Taćciana była ŭ toj dzień na pracy»,— kažuć kalehi i siabry biełaruski Taćciany Dziamieńnikavaj, jakaja pracavała ŭ ekanamičnym departamiencie Mikałajeŭskaj abłasnoj administracyi, piša «Radyjo Svaboda».
29 sakavika byŭ naniesieny ŭdar pa budynku Mikałajeŭskaj abłasnoj administracyi. Častka budynka abvaviłasia, 19 čałaviek zahinuli, častka ludziej znachodzicca pad zavałami.
Ciapier namahajucca vyśvietlić los Taćciany Dziamieninikavaj, jakaja pracavała ŭ ekanamičnym departamiencie abłasnoj administracyi i ačolvała Mikałajeŭskaje abłasnoje nacyjanalna-kulturnaje tavarystva biełarusaŭ «Hołas Radzimy».
«U momant vybuchu naša Taćciana była na pracy. Jaje jašče nie znajšli. My spadziajemsia na lepšaje», — paviedamiła namieśnica staršyni biełaruskaj supołki «Hołas Radzimy» Taćciana Buśko.
U Mikałajevie žyvuć 480 tysiač čałaviek. Pavodle apošniaha pierapisu, jaki byŭ u 2001 hodzie, biełarusy składajuć 0,8% žycharoŭ abłasnoha centra.
Mikałajeŭskaje abłasnoje nacyjanalna-kulturnaje tavarystva biełarusaŭ «Hołas Radzimy» isnuje sa śniežnia 2015 hoda. Supołka aktyŭna padtrymlivała kantakty ź biełaruskaj ambasadaj u Kijevie.
MZS uznaharodziła Taćcianu Dziamieńnikavu jubilejnym miedalom «100 hadoŭ dypłamatyčnaj słužbie Biełarusi» za značny ŭniosak u raźvićcio biełaruska-ŭkrainskich kulturna-humanitarnych suviaziaŭ.
13 listapada 2019 hodu pasoł Biełarusi va Ukrainie Ihar Sokał uručyŭ Taćcianie Dziamieńnikavaj jubilejny miedal, a inšych siabroŭ supołki ŭznaharodziŭ hanarovymi znakami biełaruskaha pasolstva, Tady ž Ihar Sokał pieradaŭ ansamblu «Rodnyja napievy» biełaruskija nacyjanalnyja stroi.
Kamientary